Выпадак адбыўся ў цягніку № 77 Масква-Гродна. У плацкартным вагоне ехалі 25 юнакоў 14-15 гадоў, хакеісты маскоўскай каманды. Яны кіраваліся ў Ліду для правядзення трэніровачных збораў. Як паведамляе блог Гродна s13, уначы ў расіяніна, які спаў на адной з верхніх паліц і на час сну не зашпіліў сваю дарожную сумку, на падлогу вываліліся рэчы і дакументы. Гэта быў кашалёк з грашмі, банкаўская картка з пін-кодам, пасведчанне кіроўцы і інш. Юны хакеіст, які спаў на ніжняй паліцы, доўга не думаючы, стаў збіраць іх і класці сабе ў сумку.
Іншыя пасажыры ў той момант спалі. Па прыбыцці цягніка на ст. Ліда, члены хакейнай каманды выйшлі і накіраваліся па сваім маршруце.
Выявіўшы прапажу, грамадзянін РФ заявіў у транспартную міліцыю па ст. Гродна. Супрацоўнікі Лідскага АУС на транспарце, выявілі няпоўнагадовага злачынца. Цяпер у дачыненні да яго распачатая крымінальная справа па ч.1 арт. 205 КК Рэспублікі Беларусь («Крадзеж»).
Маладому чалавеку зараз не да трэніровак, яму пагражае адказнасць ад штрафу да трох гадоў пазбаўлення волі.
