 |
Кіраўнік беларускага ўрада выказаў перакананасць у поспеху беларуска‑іранскага праекта па зборцы легкавых аўтамабіляў на ЗАТ «Юнісан». Ён адзначыў, што гэта беларускае прадпрыемства мае вопыт работы ў аўтамабілебудаванні, вырабляе аўтакампаненты. Сяргей Сідорскі таксама падкрэсліў, што для Беларусі важна выйсці на знешні рынак з такой прадукцыяй, як легкавы аўтамабіль.
Анатоль Русецкі сказаў, што ў ходзе далейшай сумеснай работы доля беларускіх кампанентаў у збіраемым іранскім аўтамабілі павялічыцца да 50 працэнтаў. Гэту прадукцыю можна будзе экспартаваць як у Іран, так і ў іншыя краіны. Міністр прамысловасці Беларусі паведаміў, што іранская кампанія гатова купіць 40 працэнтаў акцый ЗАТ «Юнісан». Яна пагадзілася выступіць у складзе акцыянераў гэтага прадпрыемства. Тут будзе праводзіцца не толькі зборка, але і зварка, фарбаванне аўтакампанентаў.
Іранскі бок гатовы прыняць меры па паскарэнню рэгістрацыі пакета акцый, якія яна збіраецца набыць на ЗАТ «Юнісан», адзначыў прадстаўнік кампаніі Iran Khodro. Іранскі бок таксама падтрымлівае ідэю паралельнага развіцця вытворчасці запасных частак да іранскіх аўтамабіляў, што вырабляюцца ў Беларусі.
На сустрэчы таксама ішла размова аб магчымым новым праекце Беларусі і Ірана — вытворчасці вагонаў метро
