18.08.2014 / 18:14

Новы iPhone немагчыма будзе падрапаць 2

Будучы iPhone ад Apple — ці дзве мадэлі тэлефона, як прагназуюць некаторыя — будзе мець экран з сапфіравага шкла, і гэта, хутчэй за ўсё, зробіць яго даражэйшым за ягонага папярэдніка, паведамляе The Wall Street Journal.

Сапфір, які выкарыстоўваецца ў шыкоўных гадзінніках, з'яўляецца больш цвёрдым і устойлівым да драпін, чым шкло, але і даражэйшым, што можа адбіцца на кошце прылады.

WSJ цытуе старэйшага аналітыка Yole Développement's Эрыка Вайрэ, які сцвярджае, што кошт вытворчасці экрана Gorilla Glass — матэрыялу, які выкарыстоўваецца ў iPhone 5 і ў многіх іншых магутных смартфонах — $3, у той час як экран з сапфіра можа каштаваць $16.

Як адзначаецца ў справаздачы Yole, Apple разглядае магчымасць выкарыстання сапфіра для абедзвюх сваіх будучых мадэляў iPhone, па меншай меры, для дарагой версіі, калі яна зможа вырабляць дастатковую колькасць экранаў.

Пакуль нічога з гэтага не было афіцыйна пацверджана кампаніяй Apple, якая плануе прадставіць новы iPhone ў верасні.

0
quechua / Адказаць
18.08.2014 / 18:28
будзе даражэйшым на 13 грынаў?
0
Андруш / Адказаць
19.08.2014 / 22:59
"па меншай меры" = прынамсі
Каб пакінуць каментар, калі ласка, актывуйце JavaScript у наладах свайго браўзеру