Дзяржаўтаінспекцыя рэкамендуе бацькам напярэдадні пачатку навучальнага года правесці дзяцей па бяспечных маршрутах у школу і назад дамоў, сарыентаваць іх у навакольнай абстаноўцы, асаблівасцях дарожнай сітуацыі пасля вяртання ў горад з летняга адпачынку.
Пра гэта на прэс-канферэнцыі 19 жніўня ў Мінску паведаміў старшы інспектар аддзела арганізацыі міжведамаснага ўзаемадзеяння і прафілактыкі бяспекі дарожнага руху УДАІ МУС Станіслаў Салавей.
Рэкамендуецца таксама праверыць наяўнасць у дзяцей абавязковых флікераў на адзенні і партфелях. Асабліва ўважліва павінны паводзіць сябе кіроўцы ў дварах, дзе з кожным днём перад 1 верасня павялічваецца колькасць дзяцей. Хуткасць на дваровых тэрыторыях павінна быць мінімальнай, падкрэсліў Салавей.
0
0
0
0
0
0