Жыхар Карэлічаў дабіраўся на працу ў Наваградак. Аўто, якое ён спыніў, трапіла ў аварыю.
Непадалёк ад вёскі Ваўковічы Наваградзкага раёну ў 07.40 легкавік «Сузукі», якім кіравала 33‑гадовая жыхарка Карэліцкага раёну, выехаў на сустрэчную паласу і сутыкнуўся з грузавіком «DAF». Удар быў такі моцны, што легкавік літаральна разарвала на кавалкі. У выніку кіроўца з шматлікімі траўмамі была зьмешчаная ў бальніцу. Цяпер яна знаходзіцца ў стабільна цяжкім стане. Жанчына нядаўна выйшла з дэкрэтнага адпачынку, гадуе двух маленькіх дзяцей. Выпадковы мужчына з Карэлічаў, якога яна вырашыла падвезьці ў Наваградак, сканаў на месцы.
Паводле папярэдніх зьвестак прычынай трагедыі стала нядбайнасьць дарожных службаў Карэліцкага і Наваградзкага раёнаў — дарогу па маршруце Карэлічы‑Наваградак не пасыпалі пяском.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары