БелТА
Аляксандр Лукашэнка лічыць, што развіццё аграэкатурызму ў краіне дапаможа рэанімаваць неперспектыўныя вёскі.
Такое меркаванне ён выказаў сёння ў час рабочай паездкі ў Мінскую вобласць.
Кіраўнік дзяржавы азнаёміўся з развіццём аграэкатурызму на прыкладзе аграсядзібаў Валожынскага раёна.
«Ёсць у нас вельмі шмат вёсак. Раней іх называлі неперспектыўнымі. А яшчэ хутары, — адзначыў Лукашэнка. — Чаму б чалавеку, які там вырас ці проста бізнэсоўцу і любому ахвотнаму не пабудаваць там аграсядзібу? Рэанімаваў бы і вёску».
На думку кіраўніка дзяржавы, мясцовыя жыхары маглі б аказаць дапамогу, прыглядаючы за сядзібамі, падтрымліваючы парадак.
«Я падштурхоўваю людзей да таго, каб яны ішлі і развівалі гэта. Некаторыя так ужо і робяць», - заўважыў кіраўнік дзяржавы.
Лукашэнка лічыць, што пасля гаспадары падобных аграсядзібаў, паступова развіваючы іх, маглі б фармаваць фермерскія гаспадаркі.
«Дапусцім, разводзілі поні, а можа, і дзясятак кароў б трымалі. Гэта яшчэ прыйдзе, — адзначыў кіраўнік дзяржавы.
— Я хачу гэтым рэанімаваць нашы вёсачкі. А то аграгарадкі мы пабудавалі, гэта добра, але гэта, лічы, будучы горад, а вось гэтыя вёскі, хутары трэба падняць, наколькі гэта магчыма».
Па словах кіраўніка дзяржавы, некаторыя бізнесмены падтрымалі гэтую прапанову і пачалі ўкладаць сродкі ў развіццё тых месцаў, дзе калісьці нарадзіліся.
Лукашэнка звярнуў увагу на тое, што Беларусі як транзітнай дзяржаве варта больш актыўна развіваць і прыдарожны сэрвіс, аднак не узводзячы аб'екты з нуля, а задзейнічаючы бліжэйшыя да трасах населеныя пункты.
На яго думку, гэта дасць штуршок да ўздыму невялікіх населеных пунктаў.
«Нам не трэба ў чыстым полі на дарогах будаваць гэты сэрвіс. Бо на кожнай дарозе ў нас праз 35-50 км райцэнтры, і давайце прывязваць да інфраструктуры гэтых райцэнтраў пункты адпачынку, абслугоўвання, запраўкі. Што такое 35 км?
А часцей не трэба, яны не будуць занятыя. І калі тым самым мы падымем райцэнтры, тады ўжо будзем будаваць на абочынах», - сказаў ён.
