29.11.2007 / 21:24

Беларусь плянуе павялічыць пошліну на ўвоз замежных аўтамабіляў 3

"Каб падтрымаць айчыннага вытворцу".

Беларусь плануе падтрымаць айчыннага вытворцу аўтамабіляў шляхам павелічэння мытнай пошліны на ўвоз імпартных машын. Аб гэтым паведаміў у Мінску журналістам намеснік міністра прамысловасці Беларусі Валянцін Гурыновіч.

«Мы прапануем разумны ўзровень увазной пошліны, каб увезеныя аўтамабілі былі не таннейшыя за тыя, якія выпускаюцца ў нас», — адзначыў ён. Неабходна ўраўнаваць умовы так, каб яны былі не горшыя для беларускіх вытворцаў у параўнанні з тымі, што маюць імпарцёры. Валянцін Гурыновіч прывёў у прыклад Кітай, дзе за ўвоз грузавога аўтамабіля неабходна заплаціць 80 працэнтаў мытнай пошліны.

Намеснік міністра таксама нагадаў, што ў гандлі аўтамабілямі з Расіяй Беларусь кіруецца адпаведным пагадненнем, якое вызначае парадак работы. «Уразрэз з Расійскай Федэрацыяй мы ніколі не пойдзем», — сказаў ён. Гэта значыць, што беларуская пошліна на ўвоз аўтамабіляў будзе ніжэйшая, чым расійская.

БелТА

0
pan Brudas / Адказаць
30.11.2007 / 02:17
А мы як пераможам, абавязкова пойдзем Уразрэз з Расійскай Федэрацыяй .
0
Zhauranak / Адказаць
30.11.2007 / 03:57
[web@nn.by: дзякуй, выправілі :) ]
0
Maratka / Адказаць
30.11.2007 / 13:26
Вунь, у Эстоніі мыты нулявыя - дык там людзі новыя машыны маюць. Такая вось у нас абарона "айчынных" вытворцаў ды экалёгіі...
Каб пакінуць каментар, калі ласка, актывуйце JavaScript у наладах свайго браўзеру