23.08.2014 / 18:03

Раз'юшаная жанчына падпаліла хлеў, у якім хаваўся яе каханак 11

У Кіраўскім раёне Магілёўскай вобласці жанчына падчас сваркі падпаліла хлеў са сваім каханым, у яе дачыненні распачатая крымінальная справа.

З грамадзянскім мужам 50-гадовая сялянка жыве ўжо даўно. За час сумеснага жыцця паміж імі здараліся гучныя сваркі. Летась у дачыненні да жанчыны распачалі крымінальную справу за катаванне сужыцеля.

У гэты раз мужчына, баючыся гневу каханай, падчас сваркі зачыніўся на гарышчы хлява. На заклікі выйсці ён не рэагаваў. Тады раз'юшаная жанчына акунула анучу ў лёгкаўзгаральную вадкасць і паклала яе пад дах хлява. Аднак нават калі хлеў пачаў гарэць, мужчына не выйшаў. Суседзям з цяжкасцю ўдалося згасіць драўляны будынак і спыненіць канфлікт.

За спробу падпалу ў дачыненні да жанчыны распачата крымінальная справа па арт.218 ч.2 КК (наўмыснае знішчэнне або пашкоджанне маёмасці). Ёй пагражае пакаранне аж да пазбаўлення волі на тэрмін ад трох да дзесяці гадоў.

0
Кастусь Алешка / Адказаць
23.08.2014 / 18:38
Канец свету ўжо пачаўся. Прынамсі ў Беларусі. А мы гэтага не заўважаем.
0
Анатоль Сідарэвіч / Адказаць
23.08.2014 / 21:15
Панове, апошні сказ надта нязграбны. А цяпер пытанні. Гарышча хлява ці вышкі? Грамадзянскі муж ці сужыцель? Каханак ці каханы? Панове нашаніўцы, думайце пра семантыку. ============ На першае пытанне, адказ, ма-мойму, відавочны. Шлюб бывае царкоўны і грамадзянскі, аформлены ў органах ЗАГСу. Калі вянчання не было, муж і жонка грамадзянскія. Калі ж пара не вянчалася і не распісвалася, гэта сужыцельства. Ні царква, ні дзяржава не прызнаюць такую пару мужам і жонкаю. Каханы -- паняцце з шырокім абсягам. Чалавек каханы нават тады, калі каханне платанічнае, завочнае, без узаемнасці... А каханак -- гэта, што ні кажы, перш-наперш сэксуальны партнёр, палюбоўнік. Духоўны складнік у такім выпадку неістотны або малаістотны. Вось і замахнулася баба на жыццё мужыка (праўда, з нейкіх матываў ёй гэтага не інкрымінуюць; можна было б яшчэ ўшпіліць артыкул пра здзяйсненне злачынства агульнанебспечным спосабам). Помніцца Кацярына Ізмайлава, "лэдзі Макбет Мцэнскага павету", пайшла на той свет разам з суперніцай, але на жыццё свайго каханка, Сяргея, замаху не не ўчыняла.
0
Уладзімір Скрабатун / Адказаць
24.08.2014 / 11:27
Анатоль Сідарэвіч напiсаў Гарышча хлява ці вышкі? ========================= Штосьці не так? Мо дзе й вышкі, але ў Глыбокім -- гарышча. Хіба што зноў трэба зладзіць апытанку, дзе і як клічуць "чердак"?
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру