23.08.2014 / 19:55

Пскоўскія дэсантнікі паехалі ваяваць ва Украіну пасля параду ў Мінску 22

Байцы адэскага батальёну міліцыі «Шторм» на Данбасе ўступілі ў бой з дэсантнікамі з Пскова. Менавіта дэсантнікі пскоўскай дывізіі бралі ўдзел у парадзе ў Менску 3 ліпеня.

Бой адбыўся ля пасёлку Георгіеўка, што пад Луганскам. «Hromadske.tv» паведамляе, што расейскія дэсантнікі напалі на два ўкраінскія блокпасты. Аднак украінскія вайскоўцы пры дапамозе артылерыі і авіяцыі адбілі атаку і пайшлі ў контрнаступ, захапілі дзве расейскія баявыя машыны дэсанту і падбілі адзін танк. У палон трапілі некалькі нападнікаў.

Жаўнеры ўкраінскага войска ў сюжэце «Hromadske.tv» дэманструюць кукарды дэсантнікаў пскоўскай дывізіі ды сцвярджаюць, што знайшлі дзённік расейскага жаўнера. «Яны былі на парадзе ў Беларусі, потым падпісалі ўсе кантракт. Яны разумеюць, што ваююць ва Украіне», — гаворыць адзін з украінскіх жаўнераў, што бараніў блокпост.

Пскоўскія дэсантнікі – гэта «зялёныя чалавечкі», што акупавалі Крым ды выцяснялі адтуль украінскае войска. У жніўні міністр абароны Расеі ўзнагародзіў дывізію ордэнам Суворава «за выкананне спецзадач у Крыме».

0
Suki / Адказаць
23.08.2014 / 20:07
Каб ім век шчасьця не відаць, як ім вечна чужога хочацца.
0
бчб / Адказаць
23.08.2014 / 20:25
отличная доказательная база, не хватает только пару бойцов с фамилией путин
0
Анатоль Сідарэвіч / Адказаць
23.08.2014 / 20:44
Міністр не можа ўзнагароджваць ордэнамі -- гэта робіць галава дзяржавы.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру