23.08.2014 / 21:28

У Брэсце расклеілі плакаты да 500-годдзя бітвы пад Оршай ФОТАФАКТ 15

Вялікія маляўнічыя плакаты ў гонар юбілею бітвы пад Оршай з'явіліся на вуліцах Брэста.

Іх, як стала вядома charter97.org, распаўсюдзілі актывісты ініцыятывы «Вольны горад». На плакатах намаляваны рыцар пад бел-чырвона-белым сцягам.

Бітва на Крапівенскім полі адбылася 8 верасня 1514 г. падчас чарговай вайны з Маскоўскім княствам, калі маскоўскія войскі спрабавалі захапіць тэрыторыю Беларусі. Адным з галоўных герояў Аршанскай бітвы быў гетман Канстанцін Астрожскі. Менавіта ён быў на чале 30-тысячнага беларускага войска, якое цалкам разбіла 80-тысячнае маскоўскае войска.

Адзначаць 8 верасня як Дзень беларускай вайсковай славы пачалі толькі ў канцы 80-х. А ў 1992 годзе ў гадавіну вялікай бітвы на плошчы Незалежнасці ў Мінску беларускія афіцэры ўрачыста прынялі прысягу на вернасць роднай краіне і народу. 8 верасня 1992 года ў Менску былі прыведзеныя да прысягі 12 афіцэраў і 3000 салдат запасу. Тады ўдзельнікі гэтай прысягі падвяргаліся ціску з боку ўладаў, але праз вельмі кароткі час прысягу на вернасць Беларусі прынялі ўсе вайсковыя часткі.

Хочаш падзяліцца важнай інфармацыяй ананімна і канфідэнцыйна?

0
Мінак / Адказаць
23.08.2014 / 21:46
Смешнае відэа па тэме: https://www.youtube.com/watch?v=7FcNvo-cS80
0
Ірэна / Адказаць
23.08.2014 / 22:09
Экспрэсійны плакат. Моцна !
0
Келіх віскі / Адказаць
23.08.2014 / 22:31
Войска ліцвінаў і палякаў, у суме не 30 тысячнае, а 25-тысячнае. Маскоўцаў было таксама крыху паменш, 80 тыс. - завышаная ацэнка. Але наша перамога сапраўды была бліскучай, гэта адзін з самых першых ў гісторыі і красамоўных прыкладаў таго, наколькі прафесійная армія пераўзыходзіць "прызыўную". Двайная перавага ў людзях нічога не дала акупантам.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру