25.08.2014 / 17:45

Беларуская чыгунка правядзе дэкаду па прафілактыцы дзіцячага траўматызму

Беларуская чыгунка з 29 жніўня па 7 верасня правядзе дэкаду па прафілактыцы дзіцячага траўматызму «Дзеці і бяспека», паведамілі ў прэс-службе БЧ. 

Ва ўсіх абласцях будзе праведзены комплекс мерапрыемстваў, скіраваных на прафілактыку няшчасных выпадкаў на аб'ектах чыгуначнага транспарту. Будуць задзейнічаныя работнікі арганізацый і адасобленых структурных падраздзяленняў БЧ, супрацоўнікі органаў унутраных спраў на транспарце. 

Падчас дэкады будуць праводзіцца рэйды па кантролі за перамяшчэннем дзяцей на аб'ектах чыгуначнага транспарту, галоўная мэта якіх — папярэдзіць знаходжанне на такіх аб'ектах малалетніх дзяцей без суправаджэння дарослых, а таксама не дапусціць знаходжанне на чыгуначных пуцях непаўналетніх у навушніках або якія размаўляюць па мабільным тэлефоне. 

Плануецца правядзенне тлумачальна-прафілактычнай работы ў працоўных калектывах прадпрыемстваў і ва ўстановах адукацыі.

Каб пакінуць каментар, калі ласка, актывуйце JavaScript у наладах свайго браўзеру