28.08.2014 / 20:29

Сяргей Крывец сышоў з БАТЭ у французскі «Мец» 6

Паміж ФК БАТЭ і французскім «Мецем» падпісаны трансферны кантракт, у адпаведнасці з якім Сяргей Крывец з гэтага часу з'яўляецца футбалістам дружыны са сталіцы рэгіёну Латарынгія, паведамляе афіцыйны сайт «жоўта-сініх».

З часу другога прышэсця ў Барысаў, які адбыўся ў ліпені 2013 года, атакуючы паўабаронца правёў e БАТЭ 45 матчаў, забіў 22 мячы і аддаў 21 галявую перадачу (чэмпіянат Беларусі - 35/18 + 17, Кубак краіны - 2/2 + 3, Суперкубак - 1 / 0 + 0, Ліга чэмпіёнаў - 7/2 + 1).

На гэтым адрэзку Крывец дапамог «жоўта-сінім» заваяваць дзясятае золата нацыянальных першынстваў, Суперкубак Беларусі і прабіцца ў групавую стадыю Лігі чэмпіёнаў-2014/15. А ў цяперашняй вышэйшай лізе 28-гадовы хаўбек з вялікім адрывам лідзіруе ў спісе самых карысных гульцоў турніру па сістэме «гол плюс пас».

«Мец» зараз займае 18-е месца ў чэмпіянаце Францыі, праўда, там прайшлі толькі тры туры.

0
alex / Адказаць
28.08.2014 / 21:22
Сiрожа, нашто? ЛЧ ж восенню.
0
Маулик / Адказаць
28.08.2014 / 21:25
Удачи
0
ВК / Адказаць
28.08.2014 / 21:55
Шкада. Выдатны гулец і добра ўпісаўся ў БАТЭ пасьля вяртаньня. Мог бы бліснуць у ЛЧ. Дзякуй яму і посьпеху ў Францыі.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру