28.08.2014 / 21:55

Лідары магілёўскіх прафсаюзаў хочуць падаць у суд на тэлеканалы «РТР-Беларусь» і «НТВ-Беларусь» 14

Лідары магілёўскіх арганізацый незалежных прафсаюзаў заявілі пра намер падаць у суд за экстрэмізм на тэлеканалы «РТР-Беларусь» і «НТВ-Беларусь».

Нагадаем, у ліпені магілёўскія актывісты незалежных прафсаюзаў і грамадскага аб'яднання «Фонд імя Льва Сапегі» звярнуліся ў Міністэрства сувязі з інфарматызацыі, Белтэлерадыёкампанію і Генеральную пракуратуру з просьбай замяніць расійскія тэлеканалы РТР і НТВ на ўкраінскі і казахстанскі, якія таксама вяшчаюць на рускай мове. Сваю просьбу яны растлумачылі тым, што, на іх думку, на расійскіх тэлеканалах распаўсюджваецца «антыўкраінская істэрыя, накіраваная на распальванне міжнацыянальнай варожасці і сепаратызму».

У атрыманым актывістамі адказе, падпісаным намеснікам міністра інфармацыі Сяргеем Хільманам, адзначаецца: «Усе восем тэлепраграм, што распаўсюджваюцца на тэрыторыі Магілёва ў агульнадаступным лічбавым эфірным пакеце, з'яўляюцца сродкамі масавай інфармацыі, зарэгістраванымі на тэрыторыі Рэспублікі Беларусь. Інфармацыя аб распаўсюджванні ў гэтым лічбавым пакеце тэлепраграм, зарэгістраваных на тэрыторыі Расійскай Федэрацыі, не адпавядае рэчаіснасці».

Акрамя таго, у лісце ўказана, што толькі суд можа прызнаваць матэрыялы экстрэмісцкімі. «У выпадку калі рашэннем суда будзе прызнана, што рэдакцыя тэлепраграмы распаўсюджвае экстрэмісцкія матэрыялы, гэтая рэдакцыя будзе несці адказнасць у адпаведнасці з заканадаўствам», — адзначыў Хільман.

«Цікава, што нават пытанне распачынання крымінальнай справы па распальванні расавай, нацыянальнай або рэлігійнай варожасці Генеральная пракуратура аддала вырашаць Міністэрству інфармацыі. Усе адрасаты праігнаравалі зварот, не разгледзелі яго па сутнасці і пераслалі ў Міністэрства інфармацыі», — заявіў у каментары БелаПАН адзін з падпісантаў звароту Юрый Новікаў, які прадстаўляе абласную арганізацыю Свабоднага прафсаюза Беларускага.

Новікаў і іншыя падпісанты звароту — Юрый Дарашэнка са Свабоднага прафсаюза металістаў, Аляксей Яўгенаў з прафсаюза РЭП і Уладзімір Шанцаў з Фонду імя Льва Сапегі — заявілі пра намер падрыхтаваць судовыя іскі на тэлеканалы «РТР-Беларусь» і «НТВ-Беларусь».

0
Чытач / Адказаць
28.08.2014 / 22:08
Проста грамадзянам не трэба глядзець тыя тэлеканалы -- і ўсё вельмі проста. Я, напрыклад, за некалькі месяцаў не праглядзеў ніводнай праграмы навінаў па расійскіх каналах. А ўсё таму, што мне гэтыя навіны не цікавыя, бо ў іх як звычайна распавядаюць аднабока пра адное і тое ж.
0
Сьвядомы Ліцьвін / Адказаць
28.08.2014 / 22:32
Я НІКОЛІ не гляджу равсейскія канальі.
0
рэйс / Адказаць
28.08.2014 / 23:00
Есть же пенсионеры которые не пользуются интернетом и верят всему что показывает параша "тв". Они (пенсионеры) даже не понимают в чём дело ,от одних я слышал мол это Украина напала на росию и теперь она (росия) вынуждена защищаться .Так что отключать надо однозначно, пусть показывают бт.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру