У Мінску затрыманы актывіст кампаніі «Еўрапейская Беларусь» Максім Вінярскі.
Здарылася гэта на вуліцы Багдановіча па дарозе ва ўрочышча Курапаты, дзе сёння праходзіць штомесячная талака. Яго даставілі ў РУУС Савецкага раёна. Паводле папярэдніх звестак, актывіста могуць абвінаваціць у хуліганстве, цяпер на яго складаюць пратакол па арт. 17.1 КоАП.
Падчас свайго апошняга арышту, які Вінярскі адбываў у Цэнтры ізаляцыі правапарушальнікаў на вуліцы Акрэсціна напярэдадні чэмпіянату свету па хакеі, ён трымаў сухую галадоўку.
Некалькі дзён таму яго выклікалі ў РАУС, дзе прапанавалі падпісаць паперу, што ён папярэджаны аб недапушчальнасці экстрэмісцкай дзейнасці, аднак актывіст адмовіўся.
0
0
0
0
0
0
