30.08.2014 / 14:28

СМІ: Краіны НАТА ствараюць новыя міжнародныя сілы хуткага рэагавання 9

Вялікабрытанія і яшчэ шэсць дзяржаў створаць новыя сілы хуткага рэагавання.

Аб гэтым піша Financial Times.

Сілы будуць складацца з як мінімум 10 тысяч чалавек.

Такое рашэнне стане адказам НАТА на расейскую агрэсію ва Украіне, піша выданне.

Краіны, залучаныя ў праект на дадзены момант — гэта Данія, Латвія, Эстонія, Літва, Нарвегія і Нідэрланды. Свой інтарэс да праекту таксама выказала Канада.

Чакаецца, што аб стварэнні новых сіл на наступным тыдні абвесціць прэм'ер-міністр Вялікабрытаніі Дэвід Кэмеран, які ў гэтым годзе прымае саміт НАТА ва Ўэльсе.

Мэта — стварыць цалкам функцыянальнае войска памерам з дывізію для хуткага рэагавання і частых рэгулярных вучэнняў.

Чыноўнікі, якія працуюць над стварэннем новай структуры, кажуць, што ў яе таксама будзе магчымасць значна павялічыцца ў памеры.

Яна будзе складацца з паветраных, марскіх, а таксама сухапутных войскаў. Кіраваць імі будуць брытанскія камандзіры. Іншыя краіны-ўдзельніцы дадуць розныя спецыялізаваныя войскі і атрады.

Мадэллю для новых войскаў будуць сумесныя экспедыцыйныя сілы Вялікабрытаніі і Францыі, праца над стварэннем якіх вядзецца ўжо на працягу некалькіх гадоў.

Падрабязнасці аб сферы дзейнасці новых экспедыцыйных сіл, кіраваць якімі будзе Вялікабрытанія, яшчэ не вядомыя, аднак, хутчэй за ўсё, яны зоймуцца рэгулярнымі ваеннымі вучэннямі ў Еўропе і не толькі, лічыць адзін высокапастаўлены афіцэр, уцягнуты ў працэс планавання.

0
правінцыял / Адказаць
30.08.2014 / 14:42
НАТА і хуткае рэагаванне? А да гэтага моманту НАТА заставалася культурна-асветніцкай гуманітарнай арганізацыяй ці гуртком па інтарэсах? Цікава, што стварэннем новай структуры займаюцца чыноўнікі. А на што здольныя еўрапейскія чыноўнікі, ужо добра бачна на прыкладзе адносін да расійскай інтэрвенцыі ва Украіне. У лепшым выпадку 10 тысяч дармаедаў будуць чарговы раз праяўляць сваю "глыбокую заклапочанасць" і нават будуць не ў стане назваць інтэрвенцыю інтэрвенцыяй. З іншага боку, колькі "бабак" можна будзе хутка "зрубіць" на гэтым "хуткім рэагаванні".
0
трактор / Адказаць
30.08.2014 / 14:53
Согласен с предыдущим комментом,ни какой помощи от НАТО не видно одни только пустые слова,Украина сейчас в одиночку воюет с рашей.
0
абырвалг / Адказаць
30.08.2014 / 19:02
2трактар и к: Украина не входит в НАТО, о чем вы? НАТО защищает страны в нее входящие, такая цель у организации, а вовсе не всех кому требуется помощь. И создание нового вида соединений направлено для защиты стран НАТО, в первую очередь на случай агрессии со стороны РФ (страны прибалтики, польша и т.д.).
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру