МЗС Украіны пацвердзіў інфармацыю пра падзенне ў Алжыры ўкраінскага самалёта Ан-12. Усе сем членаў экіпажа загінулі.
Паводле інфармацыі пасольства Украіны ў Алжыры, у суботу раніцай пацярпеў катастрофу грузавы самалёт Ан-12 кампаніі «Украіна-Аэраальянс» з украінскім экіпажам, які ажыццяўляў перавозку нафтавага абсталявання па маршруце Таман Расет (Алжыр) — Малаба (Экватарыяльная Гвінея).
Паводле папярэдняй інфармацыі, усе сем членаў экіпажа загінулі. Цяпер на месцы катастрофы працягваюцца пошукавыя работы, працуюць эксперты.
Пасольства Украіны ў Алжыры ажыццяўляе адпаведныя аператыўныя меры ў сувязі са здарэннем.
0
0
0
0
0
0