Г.зв. апалчэнцы самаабвешчанай Луганскай народнай рэспублікі занялі населены пункт Вясёлая Гара, знішчыўшы апошні плацдарм для наступлення ўкраінскіх войскаў на Луганск,

паведаміў «Інтэрфаксу» у панядзелак прадстаўнік «народнага апалчэння» Луганшчыны.

Ён адзначыў, што населены пункт Вясёлая Гара Славянасербскага раёна з'яўляецца «ключавым пунктам, бо дазваляе кантраляваць пераправу праз Паўночны Данец ля горада Шчасце на аўтадарозе Луганск — Старабельск.

У горадзе Шчасце знаходзіцца Луганская ТЭС — найбуйнейшая крыніца электраэнергіі ў рэгіёне.

Акрамя таго, у штодзённай зводцы ЛНР адзначаецца, што пад кантроль баевікоў Данбаса перайшлі населеныя пункты Благадатнае, Радчанскі і Вахрушава, а таксама Яленаўка і Маланікалаеўка.

Каментароў украінскага боку з нагоды гэтай інфармацыі пакуль няма.