30-я асобная механізаваная брыгада вырвалася з акружэння расійскіх войскаў каля населенага пункта Лутугіна непадалёк Луганска.
Пра гэта на сваёй старонцы ў Facebook паведаміў журналіст Раман Бачкала. «Гэта было пекла», — напісаў ён.
Паводле яго слоў, у час выхаду байцоў абстрэльвалі «Грады» і знішчылі ўсю тэхніку. Таксама іх абстралялі касетнымі бомбамі з авіяцыі.
«Так, так — расійскія самалёты лётаюць у раёне Луганска ўжо як дома. Далей нарваліся на расійскія танкі Т-90. Іх суправаджалі, зразумела, таксама расійскія верталёты Мі-24. Дасталося ад іх …» - дадаў журналіст.
«Калі адышлі на, здавалася, бяспечную адлегласць, атрымалі «Смерч», — напісаў Бачкала.
У выніку пяць байцоў загінулі, 14 атрымалі раненні.
Па словах журналіста, байцы далей не могуць ваяваць і маюць патрэбу ў псіхалагічнай рэабілітацыі.
«Іншаму батальёну, які патрапіў у гэты замес, патрэбна ратацыя. Ваяваць няма кім і няма чым», - рэзюмаваў Бачкала.