02.09.2014 / 19:13

Грыбаўскайце ўстрымалася падчас галасавання за Туска і Магерыні 11

Прэзідэнт Літвы Даля Грыбаўскайце была адзіным лідэрам краін Еўрасаюза, які ўстрымаўся ў суботу падчас галасавання за прызначэнне Дональда Туска і Федэрыкі Магерыні на важныя пасады ў ЕС, паведамілі парталу EUobserver некалькі крыніц у ЕС.

Перад самітам ЕС, на якім было прынята рашэнне аб прызначэнні новага чыноўніка на пост Кэтрын Эштан, кіраўнік Літвы заявіла, што асоба, якая займае гэты пост, не павінна быць «адкрыта пракрамлёўскай».

«Літва прытрымлівалася і прытрымліваецца пазіцыі, што гэта павінен быць дасведчаны чалавек, гэта павінен быць чалавек, які можа знайсці кансенсус па міжнародных пытаннях у ЕС», — сказала журналістам Грыбаўскайце.

Краіны Балтыі і Польшча крытычна ацанілі кандыдатуру 41-гадовай Магерыні, выказалі здагадку, што ёй не хапае вопыту і яна, быць можа, займае прарасейскую пазіцыю.

Калі яе кандыдатуру ўпершыню прадставілі ў ліпені, лідэры Вялікабрытаніі і краін Усходняй Еўропы блакавалі яе прызначэнне.

І ўсё ж дзякуючы лабізму прэм'ера Італіі Матэа Рэнца з пачатку жніўня змякчылі сваю пазіцыю, а Рым падтрымаў больш жорсткія санкцыі ў дачыненні да Расіі, нягледзячы на тое, што яна з'яўляецца важным партнёрам Італіі.

У першых каментарах пасля прызначэння Магерыні падкрэсліла неабходнасць дыпламатычнага пагаднення з Расіяй.

«Думаючы і працуючы на ўзроўні санкцый, мы павінны пакінуць дыпламатычны шлях адкрытым,… у надзеі, што камбінацыя, мудрая камбінацыя, можа быць дзейснай», — сказала яна.

З іншага боку, процівагай Магерыні стаў Дональд Туск — першы прадстаўнік з Усходняй Еўропы, які зойме пасаду старшыні Савета ЕС. Ён вядомы як жорсткі крытык Крамля, асабліва ў пытанні ўкраінскага крызісу.

0
Хруша / Адказаць
02.09.2014 / 19:54
Ён вядомы як жорсткі крытык Крамля, асабліва ў пытанні ўкраінскага крызісу. ------- Нейкi анекдот. Грыбоўская нешта блытае. Вось Туск той разам з Пуцiным пасьля катастрофы самалёта з Качыньскiм на карцiнке: http://polemika.com.ua/news-130012.html
0
Хруша / Адказаць
02.09.2014 / 19:56
А вось Давос-2009: World Economic Forum (WEF) in Davos \ Business там у самым нiзе http://www.etoday.ru/2009/01/davos-world-economic-forum-2009.php
0
Хруша / Адказаць
02.09.2014 / 19:57
А вось Туск i Пуцiн за тры днi да катастрофы "Путин и Туск против Cталина" http://www.mk.ru/politics/article/2010/04/07/464010-putin-i-tusk-protiv-ctalina.html
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру