06.09.2014 / 10:03

Лукашэнка па-беларуску павіншаваў з Днём беларускага пісьменства 6

Кіраўнік дзяржавы Аляксандр Лукашэнка павіншаваў удзельнікаў і гасцей Дня беларускага пісьменства, урачыстасці праходзяць у Заслаўі.

Тэкст віншавання змешчаны на сайце кіраўніка дзяржавы.

«Сардэчна віншую вас з Днём беларускага пісьменства, які сёлета праводзіцца ў старажытным горадзе Заслаўі.

За гады свайго існавання свята заняло пачэснае месца ў шэрагу важнейшых падзей культурнага жыцця нашай краіны і яскрава нагадвае пра неабходнасць беражлівага захавання духоўнай спадчыны Беларусі.

Ад часоў Еўфрасінні Полацкай і Кірылы Тураўскага кніга заўсёды была для беларусаў жыватворнай крыніцай, надзейным падмуркам нацыянальнага развіцця. Літаратура выхоўвала ў людзях лепшыя якасці, аказвала вялікі, а часам і вызначальны ўплыў на фарміраванне іх светапогляду.

Сёння беларуская дзяржава актыўна падтрымлівае нацыянальную інфармацыйную прастору, айчыннае кнігавыданне ў мэтах кансалідацыі грамадства, сцвярджэння высокіх маральных каштоўнасцей і ідэалаў.

Шчыра жадаю ўсім удзельнікам і гасцям свята моцнага здароўя, дабрабыту, новых творчых і працоўных дасягненняў».

0
летапис / Адказаць
06.09.2014 / 15:02
Енчу ад шчасця и плачу у пупок ад замилаванасци навиной. Неужэли эта свершылась!!!
0
кропля таго.. / Адказаць
06.09.2014 / 16:18
..асаблiва ,,парадавала''.. , што дзяржава ,,актыуна падтрымлiвае''.. нацыянальную прастору.. ..i не папярхнууся..
0
Reimer / Адказаць
06.09.2014 / 19:48
Асабліва наконт "кансалідацыі грамадзтва" расчульвае...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру