Ад 40 да 100 тыс. рублёў будуць каштаваць квіткі на адборачныя матчы чэмпіянату Еўропы па футболе — 2016 Беларусь — Украіна і Беларусь — Славакія, паведаміла прэс-служба Беларускай федэрацыі футбола.
Гульні пройдуць адпаведна 9 і 12 кастрычніка на «Барысаў-Арэне», пачатак у 21.45.
Білеты будуць прадавацца таксама пакетамі на два паядынкі адразу па цане ад 70 да 180 тыс. рублёў.
Рэалізацыя квіткоў пачнецца 15 верасня. Набыць білеты можна будзе ў касах «Барысаў-Арэны», а таксама ў пунктах продажу кампаніі TicketPro.
«Запрашаем усіх на футбол! Сумеснымі намаганнямі мы зможам дабіцца поспеху!» — заклікае БФФ.
0
0
0
0
0
0