12.09.2014 / 21:08

Новы аб’ект «стрыт-арту» з’явіцца ў Гомелі ФОТА 2

На будынку Гандлёва-прамысловай Палаты па вул. Ірынініскай вулічны мастак Канстаніцн Окунеў са студыі Fresh Design малюе велічэзную карціну па матывах старога фотаздымка Гомеля.

На здымак па просьбе заказчыка — Палаты — былі дадазеныя людзі ў тагачаснай вопратцы.

Па словах Канстанціна, на працу, якая павінна скончыцца на наступным тыдні, адных толькі фарбаў пайшло на 5 мільёнаў рублёў.

«Нам пашэнціла, што сцяна будынка і сам малюнак у пастэльных колерах, якія добра перадаюць атмасферу часу і нагадваюць чорна-белы здымак, гэта вельмі аблегчыла нашую працу», — дзеліцца мастак.

«Амаль усе падобныя графіці ў Гомелі — аўтарства нашай студыі, — дадае Канстанцін. — Я працаваў нейкі час на будоўлі, зараз зарабляю тым, што мне падабаецца — малюю».

Карціна наносіцца з дапамогай адмысловай тэхнікі вадасткойкімі фарбамі на «сетку», нацягнутую па сцяне лёскай.

У планах, пасля завяршэння гэтага аб’екту, паехаць у Чачэрск — там ужо падрыхтаванае месца для чарговай карціны.

0
Яўген Якавенка / Адказаць
13.09.2014 / 00:02
Рэд. Соры, запрацаваліся %) Дадалі.
0
Шшш / Адказаць
13.09.2014 / 22:25
Какой еще стрит-арт. Не путайте стрит-арт и мурализм или паблик арт. А это вообще малярные работы за деньги.
Каб пакінуць каментар, калі ласка, актывуйце JavaScript у наладах свайго браўзеру