17.09.2014 / 18:03

У Мінску за спробу давання хабару затрыманы замежны студэнт

У Мінску супрацоўнікі міліцыі затрымалі замежнага студэнта, які спрабаваў даць хабар за невыкананне пакарання. 

Як паведамляе ГУУС Мінгарвыканкама, паводле папярэдніх матэрыялаў праверкі ўстаноўлена, што грамадзянін Лівана — студэнт-пяцікурснік аднаго са сталічных ВНУ — з мэтай станоўчага вырашэння пытання аб невыкананні дадатковага пакарання па прыгаворы суда, звязанага з пазбаўленнем права кіравання транспартнымі сродкамі, спрабаваў даць хабар у памеры 500 долараў службовай асобе крымінальна-выканаўчай інспекцыі. 

У сувязі з гэтым распачата крымінальная справа. У выпадку прызнання віны і, адпаведна, адбывання пакарання, фігурант будзе высланы за межы краіны.

Каб пакінуць каментар, калі ласка, актывуйце JavaScript у наладах свайго браўзеру