18.09.2014 / 17:24

Авакаў: Украінскую міліцыю пераймянуюць у паліцыю 4

Міністр унутраных спраў Украіны Арсен Авакаў на сваёй старонцы ў Facebook прадставіў канцэпт будучай рэформы Міністэрства ўнутраных спраў у выглядзе відэароліка.

Паводле яго слоў, перад унясеннем праекта на разгляд Кабінета міністраў трэба будзе яшчэ шмат чаго дапрацаваць, таму ён папрасіў чытачоў агучваць свае заўвагі.

Згодна з канцэптам, МУС чакае шэраг радыкальных зменаў. Першая з іх — міліцыя будзе пераназваная ў паліцыю.

Авакаў адзначыў, што такое рашэнне было прынята пасля таго, як Вярхоўная рада дазволіла ствараць атрады «народнай міліцыі» у асобных рэгіёнах Данбаса.

«Міліцыя з'яўляецца рудыментам савецкай эпохі і азначае «узброенае народнае апалчэнне». Затое паліцыя — гэта прафесійны дзяржаўны орган, закліканы забяспечыць правапарадак, пазбягаючы карных функцый», — гаворыцца ў роліку.

Абноўленае МУС будзе займацца праваахоўнай дзейнасцю, абаронай канстытуцыйнага ладу і тэрабаронай, міграцыйнай дзейнасцю, аховай дзяржмяжы, выратавальнай справай.

Будуць ліквідаваныя такія органы як ГУБАЗ, транспартная міліцыя, ветэрынарная міліцыя, міліцыя па справах дзяцей.

Акрамя таго, будуць ліквідаваныя ўсе спецпадраздзяленні тыпу «Беркута» ці «Грыфона», а замест іх будзе створана адзінае спецпадраздзяленне накшталт амерыканскага S.W.A.T.

Усе супрацоўнікі МУС павінны прайсці пераатэстацыю па законе аб люстрацыі.

0
Кеша / Адказаць
18.09.2014 / 17:55
А чего это Арсен реформу кацапов-ватников копирует?))
0
Мiкола))) / Адказаць
18.09.2014 / 18:22
Кеша === Значыць, Пуцін скапіяваў досьвед грузінаў ?
0
Лёва / Адказаць
18.09.2014 / 18:38
И граница,и спасатели,и правоохранительство,и защита конституционного строя (что в любой другой стране-по умолчанию пререгатива СПЕЦИАЛЬНОЙ службы)-неслабого монстра кто-то под себя подгребает!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру