18.09.2014 / 18:00

Расія хоча змяніць свае абавязацельствы ў рамках СГА 1

Мінпрамгандаль плануе пачаць перамовы па змене абавязацельстваў Расіі ў Сусветнай гандлёвай арганізацыі.

З просьбай падтрымаць ініцыятыву да прэзідэнта Расіі Уладзіміра Пуціна звярнуўся на пасяджэнні Дзяржсавета кіраўнік ведамства Дзяніс Мантураў.

«Наша краіна мае права з 1 студзеня наступнага года ініцыяваць перамовы па змене сваіх тарыфных абавязацельстваў у рамках СГА. Хацелі б атрымаць у гэтай частцы вашу падтрымку», — заявіў міністр.

Мантураў дадаў, што неабходна перагледзець мытна-тарыфнае рэгуляванне: у прыватнасці, магчымасць зніжэння пошлін на асобныя віды сыравіны і камплектуючых, а таксама павелічэння ставак увазных пошлін па шэрагу пазіцый да ўзроўню звязвання ў рамках СГА.

Раней паведамлялася, што Пуцін назваў санкцыі Захаду спробай перакрэсліць прынцыпы СГА.

0
Корч / Адказаць
18.09.2014 / 19:22
Пуцін назваў санкцыі Захаду спробай перакрэсліць прынцыпы СГА. ============== A akupacyja Krymu nijakija pryncypy nie pierakreslivaje ? Pucin, podly miarzotnik i cynik, nia maje prava uvohulie kazac niešta ab pryncypach.
Каб пакінуць каментар, калі ласка, актывуйце JavaScript у наладах свайго браўзеру