19.09.2014 / 17:06

У школах Крыма будуць шукаць забароненую літаратуру 2

Нелегітымныя ўлады Крыма распарадзіліся правесці праверку ў школах на наяўнасць экстрэмісцкай літаратуры.

Пра гэта паведамляе «Громадське радіо».

У самаабвешчаным Мінадукацыі Крыма паведамілі, што ў гарадах і раёнах паўвострава мясцовым упраўленням адукацыі даручана правесці рэвізію на прадмет захоўвання экстрэмісцкіх матэрыялаў і забароненай літаратуры.

У гэты спіс увайшло 2442 пункты, сярод якіх кнігі, артыкулы, улёткі і нават тэксты некаторых песень.

Будучую рэвізію ў школах правядуць супрацоўнікі праваахоўных органаў сумесна са спецыялістамі з упраўлення адукацыі.

У выпадку выяўлення забароненай літаратуры, члены інспекцыі будуць адбіраць і знішчаць яе.

Ліст так званага Мінадукацыі Крыма аб правядзенні рэвізіі быў накіраваны да кіраўнікоў органаў мясцовага самакіравання.

Як вядома, самаабвешчаныя ўлады Крыма ліквідавалі крымскататарскую бібліятэку ў Сімферопалі.

0
цікава / Адказаць
19.09.2014 / 18:02
Што лічаць экстрэмісты экстрэміцкім?
0
Виктор Леденев / Адказаць
19.09.2014 / 18:51
Серьезная новость... Скоро сообщат о кострах из книг.., Верной дорогой идете, товарищи...
Каб пакінуць каментар, калі ласка, актывуйце JavaScript у наладах свайго браўзеру