У выніку ўчорашняга ператрусу на офісе Беларускага кангрэсу дэмакратычных прафсаюзаў, былі канфіскаваныя рызограф і 5000 тысяч улётак, якія заклікалі прыйсьці на акцыю прадпрымальнікаў 10 сьнежня.
Аднаго зь лідэраў прадпрымальніцкага руху Аляксандра Макаева, а таксама моладзевых актывістаў Алега Корбана, Міколу Сергеенку і Надзею Сінькевіч адвезьлі ў РУУС Ленінскага раёну. Дзяўчыну адпусьцілі, а на ўсіх астатніх склалі адміністрацыйныя пратаколы за лаянку, пасьля чаго іх таксама вызвалілі. Суд над усімі траімі прызначаны на 12 сьнежня а 11:00 у судзе Ленінскага раёну (вул.Сямашкі,33).