Адмова прэзідэнта Барака Абамы надаць Украіне вайсковую дапамогу выклікала рэзкую крытыку сенатара-рэспубліканца Джона Макейна.
Пра гэта УНН паведамляе са спасылкай на прэс-службу палітыка.
«ЗША павінны дапамагчы Украіне абараніць суверэнітэт. Гэта ганьба, што адміністрацыя далей адмаўляе Украіне ў наданні вайсковай дапамогі, у якой яна вельмі мае патрэбу пасля таго, як яе рассек прэзідэнт Уладзімір Пуцін, і акупавалі расейскія войскі. Украіна змагаецца за абарону свайго суверэнітэту і тэрытарыяльнай цэласнасці», — сказаў палітык.
Ён таксама падкрэсліў, што Барак Абама спрабаваў апраўдаць сваю пазіцыю тым, што сітуацыя ва Украіне нібыта не мае наўпроставай пагрозы ЗША.
«Аднак, як прэзідэнт Пётр Парашэнка адзначыў на гэтым тыдні ў Вашынгтоне, крызіс ва Украіне — гэта не толькі справа Украіны. Расейская агрэсія пагражае парадку ва ўсім свеце і асновам цэласнай, вольнай і мірнай Еўропы», — адзначыў сенатар.
З перакананняў сенатара, такія паводзіны Белага дома даюць небяспечны сігнал іншым дыктатарам і агрэсарам, «якія думаюць, што змогуць паставіць свабодны свет на калені». Раней сенатар неаднаразова заклікаў Белы дом дапамагчы Украіне зброяй.
