24.09.2014 / 16:17

Брэсцкія мытнікі канфіскавалі 16 кг бурштыну з тайніка ў машыне

Партыю бурштыну канфіскавалі брэсцкія мытнікі ў рэспубліканскім пункце мытнага афармлення «Верхні Церабяжоў» на беларуска-ўкраінскай мяжы 23 верасня. 

Дзевяць пакетаў з бурштынам агульнай вагой каля 16 кг знойдзены ў нішы запаснога кола і паветраным фільтры аўтамабіля BMW 530, які рухаўся ў Беларусь з Украіны, паведамілі ў прэс-службе Дзяржаўнага мытнага камітэта. 

Машынай кіраваў грамадзянін Украіны 1987 года нараджэння. 

Па гэтым факце Брэсцкай мытняй праводзіцца праверка.

Каб пакінуць каментар, калі ласка, актывуйце JavaScript у наладах свайго браўзеру