24.09.2014 / 17:38

Мінгарвыканкам у чарговы раз адмовіў у правядзенні пікета супраць вайны ва Украіне 7

Мінгарвыканкам у чарговы раз адмовіў руху «За Свабоду» ў правядзенні пікета каля пасольства Расіі з патрабаваннем спыніць ваенныя дзеянні ва Украіне.

Нагадаем, рух «За Свабоду» выступіў з ініцыятывай арганізацыі «каруселі пікетаў», прапанаваўшы кожны дзень падаваць заяўкі на іх правядзенне. У правядзенні першых пікетаў 19 і 20 верасня было адмоўлена актывістам арганізацыі Арцёму Ляве і Алесю Марчанку на падставе таго, што яны прыцягваліся да адміністрацыйнай адказнасці. Так, 6 мая яны правялі каля пасольства РФ несанкцыянаваную акцыю салідарнасці з народам Украіны і супраць расійскай акупацыі Крыма, за што былі асуджаны на пяць сутак арышту.

Чарговую адмову на правядзенне пікета, заяўку на які падавала грамадская актывістка Таццяна Грачанікава, Мінгарвыканкам растлумачыў яе неадпаведнасцю закону «Аб масавых мерапрыемствах». У прыватнасці, паведамляе прэс-служба руху «За Свабоду», чыноўнікі мяркуюць, што правядзенне масавага мерапрыемства «не будзе садзейнічаць захаванню элементаў добраўпарадкавання і зялёных насаджэнняў, можа ствараць перашкоды пешаходнаму і транспартнаму руху, адцягваць увагу вадзіцеляў транспартных сродкаў ад выканання ПДП». Апрача таго, дадалі яны, у заяўцы «не ўказаны канкрэтныя меры па забеспячэнні грамадскага парадку і бяспекі пры правядзенні масавага мерапрыемства».

«Чыноўнікі праяўляюць фантазію для адмоў, гавораць абсурдныя рэчы. Атрымліваецца, нельга ні стаяць, ні гуляць, калі нават адзіночны пікет стварае такія сур'ёзныя перашкоды», — зазначыў член савета руху «За Свабоду», адзін з ініцыятараў «каруселі пікетаў» Арцём Лява.

На яго думку, у чыноўнікаў ёсць «устаноўка не дазваляць не толькі звязаныя з украінскімі падзеямі акцыі, але і любыя грамадзянскія ініцыятывы».

Лява паведаміў, што даты правядзення пікетаў каля расійскага пасольства размеркаваныя сярод грамадскіх актывістаў да 10 кастрычніка.

0
федя / Адказаць
24.09.2014 / 18:41
Ну хххх кот и Вандея! Страна пофигистов. Даже в России такие пикеты были разрешены и недавно прошел Марш Мира.
0
читатель / Адказаць
24.09.2014 / 19:01
Работают на Путина и ФСБ. Так если их всех прошерстить, мвд, кгб, мингорисполком, совет республики и прочее выявится половина агентов завербованных ФСБ РФ.
0
тссссс..., федя! / Адказаць
24.09.2014 / 19:03
Мясніковіч: Я веру, што ў нас будзе вялікая перазагрузка адносін паміж Беларуссю і ЗША
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру