Фінскі Чырвоны Крыж накіраваў ва Украіну два грузавікі з гуманітарнай дапамогай. Грузавікі з адзеннем для ўнутраных бежанцаў Украіны выехалі ў сераду з Тамперэ і павінны прыбыць у пункт прызначэння ў канцы тыдня, паведамляе yle.fi.
yle.fi
Груз складаецца з 35 тон адзення.
Па словах каардынатара праекта Оуці Аманор, унутраныя ўцекачы краіны асабліва маюць патрэбу ў цёплай вопратцы.
«Мы ўзялі са склада ўсю зімовую вопратку, але яе звычайна паступае нашмат менш, чым, напрыклад, жаночых блузак».
Склад адзення ў Тамперэ апусцеў, і Фінскі Чырвоны крыж спадзяецца на ахвяраванні як арганізацый, так і прыватных асоб для аказання гуманітарнай дапамогі ў будучыні.
Ахвяраванні таксама прымаюць і іншыя рэгіянальныя аддзяленні Фінскага Чырвонага Крыжа.
0
0
0
0
0
0
