25.09.2014 / 16:04

Кітайскі рэстаратар дадаваў у стравы опіумны мак, каб атрымаць сталых кліентаў 2

У Кітаі ўладальніка рэстарана падазраюць у тым, што ён дадаваў опіумны мак у локшыну і іншыя стравы, каб да яго вярталіся кліенты.

Выпадак, пра які пішуць кітайскія СМІ, адбыўся ў горадзе Яньань. Дарожная паліцыя спыніла 26-гадовага кіроўцу Лю Джу для праверкі на наркотыкі. Яго тэст на ўтрыманне апіятаў у мачы выявіўс станоўчым, і паліцыя арыштавала маладога чалавека на 15 сутак.

Аднак Лю Джу заяўляў, што ніколі ў жыцці не ўжываў наркотыкі. Ён западозрыў, што рэзультат тэста на наркотыкі звязаны з ежай у рэстаране спадара па прозвішчы Жанг.

Лю Джу папрасіў сваякоў паесці ў рэстаране Жанга і прайсці тэст на апіяты. Станоўчыя вынікі тэстаў далі паліцыі падставу арыштаваць Жанга.

Як высветлілася, у жніўні рэстаратар набыў 2 кілаграмы макавых каробачак з насеннем, якое змалоў у пудру і дадаваў у стравы.

Паліцэйскія эксперты тлумачаць, што ў неачышчаным насенні маку ўтрымліваецца дастатковая колькасць наркатычных рэчываў, якія накопліваюцца ў арганізме і могуць даць станоўчы вынік тэста на апіяты. А пры доўгатэрміновым ужыванні гэтае насенне можа нават выклікаць залежнасць. Прадавец «наркатычнай» локшыны Жанг прызнаўся паліцыі, што падмешваў мак у стравы, каб вяртаць кліентаў да сабе і зрабіць бізнэс больш прыбытковым.

Кірыла Хілько

0
Алеська / Адказаць
25.09.2014 / 16:39
Известный трюк. Я вот на так называемую "соевую спаржу" подсела - ем почти каждый день и все равно мимо холодильника пройти не могу если знаю, что она там есть. :) Фиг его знает, может туда азиатский производитель тоже что-нибудь этакое добавляет, привязывает к себе потребителей в промышленных масштабах.
0
Беларус / Адказаць
25.09.2014 / 18:24
Алеська А мяне да жанчын цягне,чым іх абсыпаюць?
Каб пакінуць каментар, калі ласка, актывуйце JavaScript у наладах свайго браўзеру