Аляксандр Лукашэнка 25 верасня, у другі дзень афіцыйнага візіту ў Малдову, сустрэўся са старшынёй парламента гэтай краіны Ігарам Корманам, лідарамі парламенцкіх фракцый, а таксама прэм'ер-міністрам Юрыем Лянкэ.
Паводле меркавання Лукашэнкі, у найбліжэйшыя гады Малдова можа дасягнуць добрых вынікаў развіцця. «Вашу краіну за пяць гадоў можна зрабіць калі не квітнеючай, то выдатнай, — цытуе беларускага кіраўніка яго прэс-служба. — Важна, каб пасля выбараў была адзіная кансалідацыя, ці хоць бы каб ва ўрадзе не перашкаджалі працаваць».
Лукашэнка разам з малдаўскім прэзідэнтам Мікалаем Цімофці ўзяў удзел у цырымоніі ўрачыстага адкрыцця ў Кішынёве камерцыйнага цэнтра па продажы керамічнай пліткі і санітарнай керамікі беларускага прадпрыемства «Керамін».
Лукашэнка назваў гэта знакавай падзеяй, якая красамоўна сведчыць аб развіцці дзелавога супрацоўніцтва паміж дзвюма краінамі. «Рады, што адна з самых старых вытворчасцяў Беларусі кожны год узмацняе свае пазіцыі на рынку Садружнасці Незалежных Дзяржаў і Еўропы. Наша прадпрыемства мае высокі аўтарытэт сярод партнёраў дзякуючы сучаснаму стылю, добраму дызайну, выдатнай якасці і шырокаму выбару прадукцыі», — адзначыў ён.
Лукашэнка лічыць, што новы найбуйнейшы ў Кішынёве гандлёвы цэнтр дазволіць падняць узровень арганізацыі абслугоўвання пакупнікоў. Паводле яго меркавання, гэтаму паслужыць і тое, што акрамя керамікі тут прадстаўлена якасная прадукцыя іншых беларускіх вытворцаў.
Кіраўнік Беларусі выказаў падзяку кіраўнікам «Керамін-Кішынёў» за рашэнне аб выдзяленні беларускай абшчыне Малдовы плошчаў для размяшчэння тут Цэнтра беларускай культуры імя Янкі Купалы. «Упэўнены, ён стане прывабным астраўком «беларускай зямлі» ў Малдове і будзе спрыяць прасоўванню беларускай культуры і ўмацаванню дружбы паміж нашымі народамі», — сказаў ён.
Лукашэнка адзначыў, што падчас перамоў з Цімофці, а таксама прэм'ер-міністрам і спікерам парламента ішла гаворка пра «няпростыя часы», якія перажывае Малдова, паведамляе прэс-служба. «Усё гэта пераадольна, толькі трэба згуртавацца і ў гэтым кірунку дзейнічаць. А мы будзем вам надзейнымі спадарожнікамі», — сказаў Лукашэнка.
Кіраўнікі дзвюх дзяржаў агледзелі гандлёвы цэнтр, агульная плошча якога складае больш за 15 тыс. кв. м. Лукашэнка пагутарыў з прадстаўнікамі беларускай дыяспары. Кіраўнік грамадскай арганізацыі «Беларуская абшчына Рэспублікі Малдова» Юрый Статкевіч падарыў Лукашэнку драўлянае пано, а ветэран Вялікай Айчыннай вайны Уладзімір Вайцаховіч — кнігу мемуараў.
Лукашэнка таксама ўсклаў вянок да помніка Стэфану Вялікаму ў Кішынёве.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары