03.10.2014 / 17:53

Паўла Вінаградава адпусцілі з Маскоўскага РУУС з прапановай «ехаць у Беразіно» 6

Актывіст моладзевага крыла «Zмена» кампаніі «Гавары праўду» Павел Вінаградаў адпушчаны з Маскоўскага РУУС Мінска.

Як паведаміў актывіст пасля вызвалення, у яго дачыненні складзены пратакол па арт. 17.3 КаАП (распіццё алкагольных, слабаалкагольных напояў ці піва ў грамадскім месцы або з'яўленне ў грамадскім месцы ці на працы ў стане ап'янення) і накладзены штраф у восем базавых велічынь (1,2 млн рублёў).

2 кастрычніка Вінаградаў, за якім устаноўлены прэвентыўны нагляд, сышоў адзначацца ў крымінальна-выканаўчай інспекцыі Маскоўскага раёна і не вярнуўся дадому. Пазней яго жонка паведаміла, што актывіст затрыманы за адміністрацыйнае правапарушэнне.

Сам Вінаградаў распавёў, што ў інспекцыі з ім спрабавалі правесці прафілактычную размову: «Мой інспектар паставіў мне ультыматум: альбо ты, Паша, пераязджаеш у Беразіно, дзе жыве бацька, альбо ты едзеш лаяцца матам. Я сказаў, што ў Беразіно ехаць, па меншай меры зараз, адмаўляюся, можа быць потым. Гутарка ў нас не адбылася».

Пасля гэтага яго адвялі да начальніка крымінальна-выканаўчай інспекцыі Мікалая Лужынскага. «Акрамя ўсяго іншага ён спытаў у мяне, дзе Завадскі (журналіст Зміцер Завадскі, які знік улетку 2000 года). Я адказваю: не ведаю. На што ён кажа: вось і жонка твая хутка будзе адказваць, што не ведае, дзе Паша. Я ў яго пацікавіўся, ці пагроза гэта. Ён кажа: не, гэта папярэджанне», — распавёў Вінаградаў.

Ноч ён правёў у дзяжурнай частцы Маскоўскага РУУС. З пратаколам Вінаградаў быў азнаёмлены 3 кастрычніка. Па словах актывіста, у дакуменце сказана, што ён знаходзіўся каля будынка РУУС у нецвярозым стане.

БелаПАН

0
я / Адказаць
03.10.2014 / 18:22
интересно, а у Мікалая Лужынскага есть родственники или друзья?
0
ганьба! / Адказаць
03.10.2014 / 18:24
Як можна адносіцца да гэтых карнікаў? Лічу, што толькі з агідай і пагардай. Тэрмінова такіх трэба ўносіць у спіс неўяздных, штоб не абражалі сваёй прысутнасцю цывілізаваныя краіны.
0
Satan / Адказаць
03.10.2014 / 19:43
Из всех эти задержаний Сатан вынес единственное правильное решение - надо бухать и матом материться. Тогда хоть не обидно будет.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру