Прэміі Кангрэса даследчыкаў Беларусі атрымалі Белы, Ціхаміраў, Лобач, Горных, Расолька

Прэмія Кангрэса даследчыкаў Беларусі за найлепшую навуковую публікацыю — гэта прэстыжнае адзначэнне найлепшых навукоўцаў. Яна ўручаецца ў раздзелах гісторыі, гуманітарных навук і сацыяльных навук. Ад гэтага года прэмія ў галіне гуманітарных навук была аб’яднаная з прэміяй імя Зоры Кіпель Паўночнаамерыканскай асацыяцыі даследчыкаў Беларусі.

У адрозненне ад мінулага года, сёлета Прэмія надавалася асобна: за найлепшую манаграфію і за артыкул. На яе маглі прэтэндаваць аўтары твораў 2012—2013 гадоў.

Прэміі былі ўручаныя ўвечары 4 кастрычніка ў вялікай зале Універсітэта Вітаўта Вялікага ў Коўне.

Вялі цырымонію філосаф Ігар Бабкоў і тэолаг Наталька Васілевіч.

Канверты з вынікамі галасавання экспертаў ускрылі за гадзіну да цырымоніі ў прысутнасці намінантаў.

І вось вынікі.

Прэмію за найлепшую гістарычную манаграфію атрымаў безумоўны бестселер і, адначасова, кніга, поўная адкрыццяў. Гэта ўладальнік аграсядзібы «Марцінова гусь» і адначасова навуковец Алесь Белы. Хроніка Белай Русі: імагалогія Беларусі ХІІ—ХVIII ст.

Вельмі напружаная канкурэнцыя была ў намінацыі «Гістарычны артыкул». Урэшце перамог гісторык Андрэй Ціхаміраў з артыкулам «Жаночыя вобразы ў «заходнерускай» нарацыі». Хоць прафесар Алег Латышонак у кулуарах выказваў думку, што прэміі была годная і Настасся Скеп’ян са свавім сенсацыйным адкрыццём «Соф’я Слуцкая: праваслаўная святая каталіцкага веравызнання». У адказ Аляксей Ластоўскі пажартаваў, што яна можа перамагчы ў раздзеле манаграфій у наступным годзе.

Прэмію за манаграфію ў гуманітарных навуках атрымаў этнограф і гісторык з Полацкага ўніверсітэта Уладзімір Лобач за кнігу «Міф. Прастора. Чалавек: беларускі традыцыйны ландшафт у семіятычнай перспектыве».

Прэмію за артыкул у гуманітарных навуках атрыма Андрэй Горных за артыкул «Капитализм и тревога».

І, нарэшце, у галіне сацыяльна-палітычных навук перамог зусім малады аўтар Ігар Расолька за артыкул «Факторы воспроизводства белорусской идентичности в пограничных пространствах Польши и Литвы».

* * *

У шорт-ліст прэміі ўваходзілі: 

Гісторыя. Манаграфіі

Алесь Белы. Хроніка Белай Русі: Імагалогія Беларусі ХІІ—ХVIII ст. — Смаленск: Інбелкульт, 2013.

Гардзіенка Наталля, Юрэвіч Лявон. Рада БНР (1947—1970). Падзеі. Дакументы. Асобы. — Мінск: Кнігазбор, 2013.

Аляксандр Гужалоўскі. Чырвоны аловак. Нарысы па гісторыі цэнзуры ў БССР. 1919—1941 гг. — Мінск, 2012.

Юры Лаўрык. Кнігі і кнігазборы куцеінскага Богаяўленскага манастыра ў сярэдзіне XVII ст. Мінск: Тэхналогія, 2012.

Андрэй Янушкевіч. Ливонская война 1558—1570 гг. и Великое княжество Литовское. Мінск: Медисонт, 2013.

Гісторыя. Артыкулы.

Васіль Варонін. Княжанне Альгерда ў Віцебску // Беларускі гістарычны часопіс. 2013, №7. С. 4—14.

Алег Ліцкевіч. Гародня і Гарадзенскі рэгіён ў другой палове ХІІІ – XIV ст.: назва і межы // Гарадзенскі палімпсест 2012. Людзі даўняй Гародні. XV—XX ст. Гродна, 2013. С. 10—59.

Аляксандр Пашкевіч. Нацыянальныя працэсы ў Палескім ваяводстве ў 1920-я гг. праз прызму вынікаў выбарчых кампаній у польскі парламент // Arche. 2013. № 4. С. 99—210.

Скеп’ян Настасся. Соф’я Слуцкая: праваслаўная святая каталіцкага веравызнання // Да сваёй гісторыі: Сярэднявечча і Ранні Новы час. Смаленск, 2013. С. 72—85.

Андрэй Ціхаміраў. Жаночыя вобразы ў «заходнерускай» нарацыі // Homo Historicus 2012. Гадавік антрапалагічнай гісторыі, пад рэд. А. Смаленчука, Вільня: ЕГУ, 2012. С. 69—88.

Гуманітарныя навукі. Манаграфіі

Максім Жбанкоў. No Style. Белкульт между Вудстоком и «Дажынкамі». — Вільня: ЕГУ, 2013.

Уладзімір Кароткі. Беларуская літаратура і гісторыя. – Мінск: БДУ, 2013.

Вольга Лабачэўская. Белорусский народный текстиль: художественные основы, взаимосвязи, новации. – Мінск: Беларус. навука, 2013.

Уладзімір Лобач. Міф. Прастора. Чалавек: беларускі традыцыйны ландшафт у семіятычнай перспектыве. — Мінск: Тэхналогія, 2013.

Любоў Ляўшун. Рэлігійнае пісьменства кірылічнай традыцыі XI–XV стст. — Мінск: Беларус. навука, 2013.

Юры Пацюпа. Анонс: квадрат тэкстаў. — Мінск: І.П.Логвінаў, 2013.

Гуманітарныя навукі. Артыкулы.

Андрэй Горных. Капитализм и тревога // Топос №1, 2013. С.12—30.

Юлія Марцінавічэне. Трансформация идеи политического участия: Руссо, Рансьер, Лакло // Топос №2, 2013. С. 73—91.

Святлана Паляшчук. Photographers Talk: Online Discussion Forums in Belarus. In R. Miller, J. Carson, & T. Wilkie (Eds.), The Reflexive Photographer (pp. 170–201). Edinburgh: Museumsetc.

Аляксандр Пяршай. Феминистская языковая реформа как ресурс беларуского национализма: частный случай «феминизации беларуского языка»// Ab Imperio: Исследования по новой имперской истории и национализму в постсоветском пространстве. №1 (2013). C. 303—327.

Святлана Скамарохава. Belarusian Literary Landscape and Translation Waves. In: Saldanha, Gabriela & Angela Kershaw (eds.) Literary Landscapes and the Reception of Translation. Special issue of Translation Studies, 2013, 6 (2), 110-121.

Сацыяльныя навукі

Андрэй Валодзькін. Адносіны Беларусі і Азербайджана ў 1992—2012 гадах // Палітычная сфера. №20. 2013. С. 21—39.

Дзмітрый Ісаёнак, Таццяна Чыжова. Эвалюцыя беларускай мадэлі прыватызацыі з 1990 па 2011 год: перадумовы, канцэпцыі, зацікаўленыя суб’екты, вынікі, сацыяльныя наступствы // Палітычная сфера. №20. 2013. С. 122—140.

Аляксандр Ланеўскі. Ад пратэсту да супраціву: вакол справы «беларускіх анархістаў».

Ігар Расолька. Факторы воспроизводства белорусской идентичности в пограничных пространствах Польши и Литвы // Социология. №1. 2013. С. 116—129.

• 0
• 0
• 0
• 0
• 0
• 0
• 0
• 0