04.10.2014 / 21:08

Памёр «Бэбі Док» Дзювалье — самы малады прэзідэнт у свеце ў свой час 3

Figaro

Былы прэзідэнт Гаіці Жан Клод Дзювалье (мянушка «Бэбі Док») памёр на 64-м годзе жыцця ад сардэчнага прыступу ў сталіцы краіны Порт-о-Прэнсе.

Пра смерць былога лідара краіны паведаміў міністр аховы здароўя Гаіці Рэйнольд Жорж.

Дзювалье ў 19 гадоў стаў самым маладым прэзідэнтам у свеце. Ён быў ва ўладзе ў Гаіці з красавіка 1971-га па люты 1986 года.

У 1986 годзе ў краіне пачаліся масавыя антыўрадавыя пратэсты, з-за чаго Дзювалье давялося адмовіцца ад улады і бегчы за мяжу.

Пазней праваабарончыя арганізацыі заяўлялі, што за гады праўлення Дзювалье і яго бацькі Франсуа (Тата Дока) Дзювалье на Гаіці былі забітыя тысячы людзей «тантон-макутамі» — асабістай прэзідэнцкай гвардыяй, лідары якой былі жрацамі культу вуду. Ахвярамі тэрору сталі 60 тысяч чалавек.

Таксама Дзювалье быў абвінавачаны ў карупцыйных злачынствах, рэпрэсіях і парушэннях правоў чалавека.

Ён вярнуўся з Францыі на радзіму ў 2011 годзе пасля разбуральнага землятрусу ў студзені 2010 года. Пасля вяртання на радзіму Дзювалье быў затрыманы ў гатэлі Порт-о-Прэнса гаіцянскай паліцыяй і дастаўлены ў суд для допыту, пасля чаго яму прад'явілі абвінавачванні ў карупцыі і незаконным прысваенні грашовых сродкаў.

Глядзі таксама: Ёсць краіны, над якімі нібы навіс праклён. Сярод такіх — Гаіці

Бі-Бі-Сі

0
!? / Адказаць
04.10.2014 / 21:55
І добра, што здох! Толькі як яго Францыя трымала з такімі абвінавачваннямі?
0
гаспадар літоўскі / Адказаць
04.10.2014 / 22:29
....туды яму і дарога.
0
Aндрэй / Адказаць
05.10.2014 / 11:16
!? напiсаў(ла) 4 кастрычнiка 2014 у 21:55 І добра, што здох! Толькі як яго Францыя трымала з такімі абвінавачваннямі? своих не бросают
Каб пакінуць каментар, калі ласка, актывуйце JavaScript у наладах свайго браўзеру