.png)
Рост колькасці прарасейска арыентаваных беларусаў спыніўся, паведаміў кіраўнік цэнтра «Беларуская аналітычная майстэрня» (BAW; Варшава) Андрэй Вардамацкі, які прыняў удзел у прэзентацыі BAW ў рамках чацвёртага Міжнароднага кангрэса даследчыкаў Беларусі, які праходзіць 3-5 кастрычніка ў Каўнасе (Літва). Гэты працэс спыніўся ў чэрвені, дадаў сацыёлаг.
Паводле яго слоў, падзеі ў Украіне ўплываюць нават на эканамічнае самаадчуванне беларусаў. «Так, у лістападзе-снежні 2013 года, калі не адбывалася аб'ектыўна ніякіх эканамічных зменаў, эканамічнае самаадчуванне беларусаў пачало паляпшацца. Падзеі на Майдане вырабілі такі эфект, што жыццё ў Беларусі стала адчувацца як асабліва стабільнае. Хоць аб'ектыўна, з пункту гледжання інфляцыі, узроўню заробкаў і коштаў, нічога не змянілася. Але суб'ектыўнае ўспрыманне гэтых працэсаў палепшылася », - адзначыў Вардамацкі.
Згодна з сацапытаннямі, са студзеня да чэрвеня ішоў «ўпэўнены, паступальны працэс павелічэння прарасейскіх арыентацый». «Ён спыніўся ў чэрвені, далейшыя нашы вымярэнні гэта пацвердзілі. Ён спыніўся на досыць высокім узроўні: каля дзвюх трацінаў беларусаў лічаць, што саюз з Расійскай Федэрацыяй лепш, чым саюз з ЕС », - паведаміў сацыёлаг.
На думку Вардамацкага, на спыненне павелічэння колькасці прарасейска настороенных беларусаў паўплывала некалькі фактараў. Першы звязаны з стомленасцю ад ўспрымання «аднаго патоку інфармацыі», калі беларусы сталі звяртаць увагу і на «іншыя патокі». «Адбываецца аналіз патокаў інфармацыі з Расеі і іншых патокаў (замежных, незалежных беларускіх сродкаў масавай інфармацыі, інтэрнэту)», - адзначыў сацыёлаг.
Другая прычына, па яго словах, звязана з эфектам «адмоўнай адаптацыі». Так, калі на працягу працяглага часу людзям даказваюць правільнасць нейкіх падзеяў ці дзеянняў нейкі асобы, яны перастаюць верыць у гэтыя сцвярджэнні. «Таму пераможныя рэляцыі таго ж расейскага ТБ пачынаюць успрымацца па-іншаму», - канстатаваў Вардамацкі.
Нарэшце, трэцяя прычына звязана з тым, што частка беларусаў, «якая была або магла быць арыентавана» на падтрымку Расеі, напоўніла «рэзервуар». Гэты рэзервуар ўжо запоўнены - «засталіся людзі з процілеглым меркаваннем», дадаў кіраўнік Беларускай аналітычнай майстэрні.
БелаПАН
