Як паведамілі ў Следчым камітэце, затрыманы 20-гадовы студэнт-завочнік з Жодзіна, калі той з Расіі ў Беларусь перавозіў псіхатропнае рэчыва для курыльных міксаў. Яго машыну спынілі ў Барысаўскім раёне. У аўто аператыўнікі знайшлі 5 кг парашку «Альфа-ПВП». Гэтага хапіла б на 50 тысяч разавых доз. Гэта адзін з найбуйнейшых каналаў пастаўкі псіхатропу ў Беларусь, якія ўдалося ліквідаваць апошнім часам.
Па месцы жыхарства студэнта знайшлі гатовае для продажу рэчыва для палення, каля трох дзясяткаў мабільнікаў.
Затрыманаму прад’яўлена абвінавачанне ў абароце псіхатропу.
0
0
0
0
0
0