Рада нацыянальнай бяспекі і абароны Украіны заявіла пра ўвядзенне на ўсходзе краіны «рэжыму цішыні».
«7 кастрычніка паводле дасягнутых дамоўленасцей, з 18:00 зноў абвешчаны г.зв. «рэжым цішыні», падчас якога ў зоне АТА павінны быць спыненыя баявыя дзеянні і абстрэлы», — гаворыцца ў паведамленні на сайце інфармацыйнага цэнтра РНБА.
Улады самаабвешчанай Данецкай народнай рэспублікі кажуць, што паведамлення аб спыненні агню яны не атрымлівалі.
«Непасрэдна ў вярхоўны савет ніякая інфармацыя не паступала з нагоды «рэжыму цішыні», то бок, афіцыйна ніхто не звяртаўся з боку РНБА ці кагосьці яшчэ», — прыводзіць РІА «Новости» словы віцэ-спікера так званага вярхоўнага савета ДНР Міраслава Рудэнкі.
У той жа час лідар сепаратыстаў пацвердзіў, што ўвечары ў цэнтры Данецка сапраўды было ціха, выбухаў і страляніны не было чуваць.
Абстрэлы ў Данецку спыніліся прыкладна ў 17:00 паводле мясцовага часу.
