08.10.2014 / 15:28

Мінск у 2015 г. зможа пакінуць сабе пошліны ад экспарту нафтапрадуктаў 8

ria.ru

Пошліны ад экспарту нафтапрадуктаў з расійскай нафты у 2015 годзе будуць цалкам залічвацца ў бюджэт Беларусі, паведаміў сёння журналістам віцэ-прэм'ер РФ Аркадзь Дварковіч.

«Так», — адказаў ён на пытанне, ці зможа Беларусь у наступным годзе пакінуць гэтыя пошліны ў сваім бюджэце.

«Была дамоўленасць, што 1,5 мільярда [даляраў] залічваецца ў беларускі бюджэт, астатняе — у расійскі, а цяпер усё [у беларускі бюджэт]», — сказаў Дварковіч. Ён удакладніў, што такая дамоўленасць пакуль распаўсюджваецца на 2015 год.

Віцэ-прэм'ер таксама пацвердзіў, што Расія ў наступным годзе плануе паставіць у Беларусь 23 мільёны тон нафты.

Беларусь штогод пералічвае ў расійскі бюджэт каля 4 мільярдаў даляраў пошлін ад экспарту нафтапрадуктаў, выпрацаваных з пастаўленай бяспошлінна расійскай нафты. Раней Беларусь ужо дамаглася права ў 2015 годзе пакінуць у сваім бюджэце 1,5 мільярда даляраў экспартных пошлін на нафтапрадукты.

Пазней улады Беларусі запыталі дадатковай кампенсацыі ў сувязі з правядзеннем падатковага манеўру ў РФ, які прадугледжвае паступовае зніжэнне экспартных пошлін на нафту з перакладваннем фіскальнай нагрузкі на здабычу, гэта значыць з павышэннем ПЗКВ на нафту. Аляксандр Лукашэнка ацэньваў страты ад падатковага манеўру больш чым у 1 мільярд даляраў.

0
ой!!! / Адказаць
08.10.2014 / 15:38
...паведаміў сёння журналістам віцэ-прэм'ер РФ Аркадзь Дварковіч. \\\\\\\\\\ во(!!!) зас*алі маскалі? ЖЫВЕ БЕЛАРУСЬ!
0
нажыўка / Адказаць
08.10.2014 / 15:50
І што цяпер самасейка скажа пра ратыфікацыю дамовы еаэс?
0
Мордехай В. / Адказаць
08.10.2014 / 16:02
Што значыць, "можа пакінуць"? Ясак ёсць ясак. Трэба было шчэ аманатаў у Мінску пакінуць - у Дварковіча, напрыклад, брат ёсць. Раз ужо будуем "Таёжный Союз", дык трэба ўжываць мангольскія звычаі.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру