Яўген Канаплянка, Unian.net
Перамогу над беларускай зборнай у адборачным матчы чэмпіянату Еўропы 2016 года ўкраінскія футбалісты прысвецяць балельшчыкам і тым хлопцам, якія змагаюцца на фронце.
Пра гэта заявіў паўабаронца зборнай Украіны Яўген Канаплянка на прэс-канферэнцыі ў Мінску 8 кастрычніка.
«Мы аддадзім усё на полі дзеля перамогі», — сказаў ён.
«Вы самі цудоўна разумееце, што абыякавых людзей няма, тым больш у зборнай, — сказаў галоўны трэнер каманды Міхаіл Фаменка, адказваючы на пытанне, як адбіваюцца на зборнай баявыя дзеянні на Данбасе.
— У нас ёсць прадстаўнікі данецкага «Шахцёра», дзе адбываюцца ўсе гэтыя дзеянні. Хлопцы гэта абмяркоўваюць. Мы жывем у краіне, дзе дастаткова шмат рознабаковай інфармацыі, і яна не можа не закранаць хлопцаў».
«У нас ёсць магчымасць падтрымаць народ сваёй гульнёй, крыху адцягнуць яго ўвагу, але не думаю, што гэта так лёгка», — сказаў Фаменка.
Паводле слоў трэнера, матч у Барысаве будзе няпростым. «Зборная Беларусі, як Украіна і Македонія, ставіць задачу выхаду ў фінальную частку Еўра-2016. Група сур'ёзная. У беларусаў шмат футбалістаў, якія выступаюць у Расіі, а расійскі чэмпіянат не з'яўляецца аўтсайдарам», — адзначыў ён.
Матч другога тура адборачнага турніру чэмпіянату Еўропы 2016 года Беларусь — Украіна пройдзе 9 кастрычніка на «Барысаў-Арэне», пачатак у 21.45 (трансляцыя на «Беларусь-2»). 12 кастрычніка ў гэты ж час каманда Кандрацьева прыме славакаў.
У першым туры 8 верасня Беларусь згуляла ў гасцях з Люксембургам унічыю 1:1, а Украіна саступіла дома Славакіі — 0:1.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)