10.10.2014 / 18:29

Затрыманым у Барысаве ўкраінцам пераважна давалі 5 сутак арышту, беларусам — 600 тысяч штрафу смс-рэпартаж  25

У Барысаўскім раённым судзе канвеерам судзяць футбольных фанатаў, затрыманых перад матчам Беларусь—Украіна ў Барысаве і пасля яго.

Некаторых затрымалі яшчэ ў Мінску, па дарозе на гульню.

Пра гэта паведамляе Мар'яна Калініна, дзяўчына беларуса Арцёма Бабоўнікава, якога таксама затрымалі на выхадзе са стадыёна будуць судзіць за шалік з беларускай сімволікай.

У судзе прысутнічае ўкраінскі консул.

Паводле звестак міліцыі, было затрымана 42 асобы. У асяродку футбольных фанатаў называлі лічбу больш за 130 затрыманых.

Як паведамляла карэспандэнтка «Нашай Нівы» з месцы падзей, частку затрыманых адпускалі без складання пратаколаў. Гэтым можа тлумачыцца разыходжанне ў лічбах.

10:26

Фанатаў заводзяць у залу суда.

10:45

Разглядаць справы будзе суддзя Смолева. Судзяць пакуль толькі ўкраінцаў. Вінавацяць у дробным хуліганстве.

10:50

Васількоўская, паводле суддзі, лаялася. Атрымала 5 сутак арышту.

10:54

Украінца Андрэй Палішчука вінавацяць таксама ў лаянцы. Яго затрымалі перад стадыёнам. Сведку не дазволілі выказацца. Атрымаў 5 сутак.

11:02

Астапа Лісюка затрымалі перад гульнёй. У яго быў украінскі сцяг. Вінавацяць у лаянцы. 5 сутак.

11:11

Цімафееў з Белай Царквы. Затрыманы перад гульнёй з украінскім банерам. Абвінавачаны ў дробным хуліганстве. Атрымаў 5 сутак. 

11:20

Юрый Хабалюк. Абвінавачаны ў лаянцы. На стадыён не трапіў. Віны не прызнаў. Атрымаў 5 сутак.

11:28

Вячаслаў паходзіць з Украіны, жыве ў Мінску. Затрыманы перад гульнёй з украінскім гербам. Мае дзве вышэйшыя адукацыі. Абвінавацілі ў лаянцы. Патрабуе, каб патлумачылі, якая сімволіка з'яўляецца дазволенай. Атрымаў 5 сутак.

11:36

Аляксандр Лапанаў з Луцка. Пры сабе меў налепкі з кельцкім крыжам. Хацеў абмяняцца з іншымі фанатамі. Палічылі нацысцкай сімволікай. Атрымаў 10 сутак.

12:08

Альховіч Юрый, Львоў. Не прызнае віны. Затрыманы за шалік. 5 сутак.

Нямыкін Віталь. Быў з шалікам з сімволікай. Затрымалі перад гульнёй.

12:20

Беларусам даюць штрафы і адпускаюць. 600 тысяч. Пакуль іх 12-15 чалавек.

СМ

0
belariy / Адказаць
10.10.2014 / 10:48
вэлкам то Беларус )))) нічога. для фанатаў гэта проста чарговыя прыгоды. )))
0
Vital / Адказаць
10.10.2014 / 11:20
НН, да праўды напішыце, што шмат украінцаў на самой справе лаяліся каля стадыёна, лічу, што не патрэбна было пасля сканчэння гульні і далей пець пра х...о,.
0
Яна / Адказаць
10.10.2014 / 11:26
Х...ло не толькі пуцін...
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру