12.12.2007 / 09:25

Баяны на экспарт 2

Кошт аднаго інструмэнта, сабранага ўручную маладачанскімі майстрамі, сягае 27 мільёнаў рублёў.


Прадукцыя, якой ніколі няма на складзе, але гукі яе чуваць у дзесятках еўрапейскіх краін. Унікальнае беларускае прадпрыемства па вырабе баянаў знаходзіцца ў Мінскай вобласці. Музычныя інструменты з Маладзечна сёння — мара любога заслужанага калектыву.

Гледзячы на драўляныя нарыхтоўкі, паверыць немагчыма, што ў чарзе на іх атрыманне сёння — дзесяткі калектываў з Беларусі і замежжа. Маладзечанскае прадпрыемства — адзінае ў краіне, якое вырабляе баяны.

На працягу месяца можна зрабіць усяго два‑тры інструменты. Ручная праца калектыву ацэньваецца як добрая іншамарка: кошт баяна даходзіць да 27 мільёнаў рублёў. Брэнд фабрыкі — левая механіка. Устанаўліваць яе ў Маладзечна прыязджаюць віртуозы з Іспаніі, Даніі, Польшчы. Гэта адзінае прадпрыемства ў свеце, якое перавяло баян на камп’ютэрную сістэму чарцяжоў. Да гэтага кожны наступны інструмент выраблялі па ўзоры папярэдняга.

Тут усё залежыць ад слыху настройшчыка. Але баян — вельмі капрызны інструмент. Яго «голас» змяняецца ад надвор’я за акном. Спецыялісту прыходзіцца ўручную выстройваць гук кожнага з васьмі сотняў язычкоў.

Баян складаецца з 12 тысяч дэталяў, збіраецца ўручную і мадэлюецца пад пэўнага чалавека, як вопратка. У сапраўдным баяне — ні грама электронікі. Сінтэтычны гук непрымальны. Баян адрозніваецца ад любога іншага інструмента тым, што ён з кожным годам удасканальваецца. Нерэальныя праекты беларускіх майстроў ператвараюцца ў абсалютна рэальныя баяны ХХІ стагоддзя.

АТН

0
Владимир / Адказаць
12.12.2007 / 13:46
Ребята, это бред сивой кобылы! Они значительно хуже и дороже, к примеру, российских. Сначала поговорите с профессионалами, после пишите. Успехов )
0
Nikolaj / Адказаць
27.12.2007 / 21:19
У моего партнёра по дуэту баян "Слава" - за 5 лет ремонтировал его 15 раз,причём 5 раз "по крупному".А живём мы в средней Европе-в Беларусь приехать возможности нет.Вот и мучается он,бедняжка.Что то там делайте со своими "Славами". С ув. Ник
Каб пакінуць каментар, калі ласка, актывуйце JavaScript у наладах свайго браўзеру