Паводле дадзеных крыніцы ZN.UA у кіраўніцтве Нацгвардыі, на базе Нацгвардыі ў Новых Пятроўцах пад Кіевам 350 салдат тэрміновай службы збунтаваліся і пешшу адправіліся ў сталіцу.
Калона накіравалася на адміністрацыю прэзідэнта, скандуючы лозунгі супраць Пятра Парашэнкі.
Паводле дадзеных крыніцы, перад гэтым байцы Нацгвардыі на працягу чатырох сутак патрабавалі выплаціць ім грашовае ўтрыманне, якое яны доўгі час не атрымлівалі.
Таксама нацгвардзейцы патрабавалі, каб ім выдалі зімовую форму і экіпіроўку і ставіліся да іх «як да людзей, а не да быдла».
Салдаты маюць намер дамагацца ад прэзідэнта звальнення камандзіраў вайсковай часткі, якія дапусцілі падобнае становішча спраў.
Перад тым, як пакінуць межы часткі, байцы замкнулі камандзіраў у гаспадарчых памяшканнях.
Афіцэры, выбраўшыся, спрабавалі дагнаць байцоў і адгаварыць іх ад паходу на Кіеў, але беспаспяхова, адзначае крыніца.
Між тым, камандаванне Нацыянальнай гвардыі афіцыйна паведаміла, што «праводзіць перамовы з групай вайскоўцаў тэрміновай службы, якія выйшлі на акцыю пратэсту ў адной з частак пад Кіевам».
«Вайскоўцы тэрміновай службы, якія адслужылі адведзены тэрмін, патрабуюць дэмабілізацыі. У цяперашні час паміж бакамі працягваецца перамоўны працэс з мэтай ўрэгулявання канфліктнай сітуацыі», — гаворыцца ў паведамленні прэс-службы Нацгвардыі, апублікаваным 13 кастрычніка.
Таксама ў прэс-службе адзначаюць, што кіраўніцтва Нацгвардыі тлумачыць вайскоўцам пазіцыю дзяржавы наконт адтэрміноўкі дэмабілізацыі і «наступствы арганізацыі дадзенай акцыі», не ўдакладніўшы, пра якую пазіцыю дзяржавы і наступствы ідзе гаворка.
Асуджаны за «Гаюн» да хіміі брат Ігара Лосіка ўцёк з Беларусі1
Каментары