13.10.2014 / 17:23

Сербія падправіла сваю гісторыю ў гонар візіту Пуціна 4

З-за прыбыцця ў Сербію з візітам расійскага прэзідэнта Уладзіміра Пуціна дзень вызвалення Белграда будуць адзначаць на чатыры дні раней за гістарычную дату.

З-за таго, што Пуцін пажадаў прыняць удзел у святкаваньні, дзень вызвалення Бялграда будуць адзначаць 16-га кастрычніка замест 20-га. У гонар Пуціна таксама ўпершыню за амаль 30 гадоў ладзяць ваенны парад.

Такога не было нават у часы прэзідэнцтва Іосіпа Броза Ціта, адзначае Нікола Томіч, рэдактар белградскай газеты «Бліц».

«Улада ў Бялградзе вырашыла прыстасаваць дату дзяржаўнага свята да парадку дня Пуціна. На мой погляд, гэта красамоўна сведчыць пра тое, што ўлады ў Бялградзе вельмі гнутка ставяцца нават да суверэнітэту краіны. Усё залежыць ад таго, што ім на дадзены момант трэба», — кажа Томіч.

У гонар Пуціна ў Сербіі ўпершыню з 1985 года ладзяць ваенны парад. У ім возьмуць удзел прыкладна тры тысячы салдат — пяхота, артылерыя, танкісты, авіяцыя, нават дунайскія ваенныя караблі, дакладней — лодкі. Да сербскіх пілотаў далучыцца і расійская ваенная група «Стрыжы».

На думку аглядальнікаў, візіт Пуціна і ўсё з ім звязанае патрэбны не так Сербіі, як Расіі і яе прапагандыстам. Яны імкнуцца паказаць, што Расія мае сяброў за мяжой і што яна грае важную ролю на Балканах.

Пры гэтым у Сербіі на працягу некалькіх мінулых гадоў наогул не адзначалі дат вызвалення, паколькі ва ўладзе знаходзяцца правацэнтрысты, якія не паважаюць ролю партызанскай арміі, якую ўзначальваў генсек кампартыі Іосіп Броз Ціта.

У той жа час Савецкі Саюз у свой час прызнаваў толькі партызанскі рух і супрацоўнічаў толькі з ім.

Візіт Пуціна ў Бялград працягнецца толькі адзін дзень — 16 кастрычніка. На святкаванне не запрасілі прэзідэнтаў іншых краін, салдаты якіх ваявалі ў шэрагах Чырвонай арміі (Бялград вызвалялі байцы Другога ўкраінскага фронту).

Хочаш падзяліцца важнай інфармацыяй ананімна і канфідэнцыйна?

0
Мікола ))) / Адказаць
13.10.2014 / 17:49
Ну і што? Уніан знайшлі мне "новыну". Хлопцы, сьветам кіруюць грошы, а не ідэалёгія, факты, а не даклярацыі. Сэрбія актыўна рухаецца ў Эўрапейскі Зьвяз і дэ-факто - у НАТО (прытым першыя такія ідэі паўсталі ўжо ў 2000 г., калі яшчэ не прайшоў год з часоў бамбаваньняў). А Расія - гэта гістарычны хаўрусьнік Сэрбіі (апусьцім падрабязнасьці). Калі б прэзыдэнтам Расіі быў Нямцоў ці Навальны, парад усё адно быў бы. Трэба разумець асаблівасьці адносін Расіі і Сэрбіі. Таксама варта помніць, што Сэрбія-такі перабалела імпэрыялізмам.
0
Трэба разумець асаблівасьці адносін Расіі і Сэрбіі. / Адказаць
13.10.2014 / 21:32
А адкуль гэтыя асаблівасьці і чаму, спадар хаця разумее? Сэрбія ў Эўропе - расейскі траянскі конь, дакладней кабыла. Не таму, што гістарычны саюзьнік! Гэта, як ідал леніна - помнік. На табе: гістарычны! І тое, што адбылося - найлепшае таму падцьверджаньне. Эўропе, хіба, замала праблем.
0
P.S.KOLTSOV / Адказаць
13.10.2014 / 21:40
Нельзя так делать! Путину понравится и в следующий раз,Кремль будет наглеть ещё сильнее.Нельзя ублажать наглеца ибо наглость,она беспредельна.Это сродни самоубийству!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру