14.10.2014 / 22:25

Предлагаем подработки в «Нашай Ніве» 9

Ёсць тэмы, якія «Наша Ніва» ды іншыя беларускамоўныя СМІ асвятляюць замала, бо так павялося з каланіяльных часоў. Важна, каб на іх па-беларуску пачалі пісаць больш. 

Запрашаем аўтараў, якія могуць рэгулярна пісаць у «Нашу Ніву» на наступныя тэмы:

— здароўе,

— аўтамабілі і тэхніка,

— камп'ютарныя ды іншыя тэхналогіі,

— трэнды і моды моладзі (кавярні, адзенне, звычкі, тусоўкі).

(Або іншыя, калі Вы дакажаце, што яны важныя і што можаце крута пра іх пісаць.)

Мы запрашаем аўтараў не ў штат, а для супрацоўніцтва на ганарарнай аснове. Ганарары высокія. Супраца з «Нашай Нівай» гарантуе прафесійны рост, новыя кантакты і далягляды.

Перавагу будзем аддаваць спецыялістам у дадзенай галіне. Але галоўнае не гэта, а ўменне бачыць цікавае, новае ў той ці іншай сферы, лавіць інфармацыйныя нагоды, і ясна, добра пісаць. Мы шукаем не журналістаў-рэпарцёраў, а проста аўтараў, якія адсочваюць дадзеныя тэмы, цікавяцца імі, шмат пра гэта ведаюць.

Прапановы дасылайце на nn@nn.by. Калі вы ніколі раней не пісалі ў «Нашу Ніву», Вам трэба разам з інфармацыяй пра сябе даслаць мінімум тры кароткія (не больш за 2000 знакаў з прабеламі) нататкі на выбраную Вамі тэматыку. Да іх, пры патрэбе, далучыць ілюстрацыі — зробленыя Вамі або з інтэрнэту. Лісты пазначайце «Падпрацоўка ў «Нашай Ніве».

Нагадваем, што з прычыны вялікага аб'ёму пошты мы не зможам адказаць усім, хто да нас звернецца.

Рэд.

0
spadar Blogger / Ответить
14.10.2014 / 13:15
Шаноўная рэдакцыя, а нельга зрабіць прасцей. Напрыклад, я мог бы паспрабаваць пісаць вам на тэмы "фітнэса" ці/і блогасферы і сацсетак, а можа адукацыі, але ж у мяне не было куды пісаць на гэтыя тэмы, тым больш па беларуску. Такім чынам, я павінен вам напісаць 3 артыкулы толькі для таго каб вы проста паглядзелі. А калі вам не спадабаецца, то што мне з імі рабіць? Шкада ж часу. Дык можа хапіла б і аднаго?
0
: / Ответить
14.10.2014 / 14:05
Вось толькі ня трэба "крута". Дастаткова дакладна і цікава.
0
Няхлюй / Ответить
14.10.2014 / 17:05
Вашай Ніве пара мяняць дызайн - каб пад 8-ку быў.
Показать все комментарии/ 9 /
Чтобы оставить комментарий, пожалуйста, активируйте JavaScript в настройках своего браузера