19.10.2014 / 00:13

Пяць фактаў пра псіхалогію багатых людзей 7

Вельмі нешматлікія прадстаўнікі сярэдняга класа сапраўды разумеюць мысленне багатых людзей. Часта кажуць, што багацце — гэта проста ўдалы збег абставінаў, што багатыя гуляюць не па правілах, што яны злыя, эгаістычныя і г.д.

Але за гэтымі сцверджаннямі стаяць суцэльныя эмоцыі, лічыць Стыў Сібалд (Steve Siebold) — мультымільянер і аўтар кнігі «Як думаюць багатыя» («How Rich People Think»), для якой ён апытаў каля 1200 самых багатых людзей свету на працягу апошніх 30 гадоў.

Багатыя людзі сапраўды думаюць і дзейнічаюць інакш. Ніжэй — 5 невідавочных асаблівасцяў ладу мыслення багатага чалавека.

1. Багатыя людзі добра пераносяць дыскамфорт

Большасць людзей хоча жыць у камфорце. Фізічны, эмацыйны і псіхалагічны камфорт — гэта галоўная мэта існавання сярэдняга класа.

Багатыя людзі, наадварот, разумеюць, што зарабляць мільёны няпроста і што цяга да камфорту можа быць для іх разбуральнай. Яны вучацца працаваць і жыць у стане пастаяннай нявызначанасці.

Для будучыні мільянера цалкам нармальна знаходзіцца ў асяроддзі скепсісу, цынізму і іншых негатыўных уплываў. І ўсё ж тыя, у каго дастаткова сіл, каб вытрымаць такі прэсінг, атрымліваюць рэсурсы для нябеднага жыцця.

2. Багатыя думаюць пра будучыню

Большасць з нас вырасла, слухаючы гісторыі пра старыя-добрыя часы, калі свет быў дабрэйшы, музыка лепшай, спартсмены мацнейшымі, а бізнесмены — сумленнейшымі. Гэтая традыцыя перадаецца ў масавай культуры з пакалення ў пакаленне, хоць падыход гэты абсалютна няслушны. Зацыкленыя на мінулым людзі рэдка дамагаюцца поспехаў у бізнэсе і часта пакутуюць ад дэпрэсіі.

Багатыя людзі арыентаваныя на будучыню. Яны шмат чаму вучацца ў мінулага, але марамі звязаныя з заўтрашнім днём. Мільянеры становяцца такімі, таму што гатовыя паставіць усё на кон і рэалізоўваць свае мары, мэты і ідэі. Многае з таго, што яны плануюць, можа чакаць свайго часу гадамі і нават дзесяцігоддзямі, але менавіта гэтыя ідэі і фармуюць будучыню.

3. Багатыя упэўненыя ў сабе

Багатых пастаянна ўяўляюць адмоўнымі героямі. Адзін з самых распаўсюджаных ярлыкоў, звязаных з багатымі людзьмі — гэта тое, што яны нахабныя і ганарыстыя.

У рэчаіснасці ж паспяховыя людзі ўпэўненыя ў сабе таму што ўвесь час рызыкуюць і рэдка бываюць расчараваныя. Нават калі яны церпяць няўдачу, яны вучацца на памылках і вяртаюцца ўжо з гэтым вопытам за перамогай. Гэта не высакамернасць, а хутчэй саманадзейнасць ў найлепшым значэнні гэтага слова.

Багатыя людзі валодаюць не падуладнай страху свядомасцю, што дазваляе ім рухацца да таго, чаго яны хочуць, а не ўцякаць ад таго, што ім не трэба. Часам гэтае асаблівае мысленне дазваляе ім падвоіць і нават патроіць свой капітал. Нарэшце яны пачынаюць верыць у тое, што здольныя на што заўгодна, і гэта становіцца іх жыццёвай устаноўкай.

4. Багатыя ўспрымаюць грошы як свабоду

Адна з самых распаўсюджаных памылак наконт багатых заключаецца ў тым, што яны ганарацца сваім статусам. Нягледзячы на тое, што грошы сапраўды надаюць чалавеку нейкі статус у грамадстве, яны хутчэй ўспрымаюцца як інструмент асабістай свабоды.

Немагчыма быць па-сапраўднаму вольным, не маючы дастатковых грашовых сродкаў. Сярэдні клас падкантрольны рынку працы, дзяржаве, а таксама іншым інстытуцыям, якія дыктуюць, што рабіць, а што — не. Вельмі складана быць свабодным, калі прыходзіцца думаць пра выплаты па крэдытах.

Багатыя людзі могуць дазволіць сабе адстойваць любыя чалавечыя свабоды. Ім не трэба працаваць у шкодных для здароўя умовах, цярпець жудаснае начальства ды іншыя непрыемныя сітуацыі. Таксама з дапамогай грошай яны могуць уплываць на працэсы — ладзіць дабрачынныя аўкцыёны і прыёмы і збіраць сродкі на высакародныя мэты.

5. Багатыя пераборлівыя, калі гаворка заходзіць пра сяброў і партнёраў

Багацеі любяць мець зносіны з іншымі багацеямі, гэта факт. Многія паспяховыя людзі адзначаюць, што чужы светапогляд заразлівы. Таму частыя зносіны з багатымі і паспяховымі людзьмі здольныя рэзка павялічыць ўзровень вашага даходу. Мы становімся падобныя на тых, з кім маем зносіны. Пераможцы прыцягваюць пераможцаў.

0
Корч / Адказаць
19.10.2014 / 00:26
1. Багатыя людзі добра пераносяць дыскамфорт ============================================= Bo razumiejuc`, što heta (dyskamfort) časova. Niezamožnyja dyskamfort pieranosiac` ciažej, bo razumiejuc, što jany z im nazauždy. Astatnija punkty ulascivy u rounaj stupieni, jak zamožnym, tak i niezamožnym liudziem.
0
Ян Фройд / Адказаць
19.10.2014 / 13:23
Лепей заўсё распаўсюджылі і паведамілі б людзям - колЬкі і якія псыхілагічныя факты, ёсцЬ ва уладна манЬячных псыхаў шызоідаў, і йіх канкрэтна відавочныя характэрныя разпазнанЬня, сярод іншых кандыдатаў, каб не было ні якіх цяжкасцей у шаноўна спадарскага населЬніцтва у прадвыбарчым часе..
0
Satan / Адказаць
19.10.2014 / 14:36
2Ян Фройд Любой, кто стремится к власти по факту имеет психические отклонения. Ибо, если деньги - это свобода, то власть - это тюрьма. И чем больше власть - тем толще решетки. Свобода тоже порой развращает, порой сносит крышу и вытаскивает из глубины то, о чем Ремарк писал "не стоит заглядывать чересчур глубоко в душу, иначе скоро наткнешься на отстойник, куда стекаются нечистоты" Но это возможно контролировать силой воли. Со властью схоже. Поэтому кандидатов в президенты я бы выбирал следующим образом... развел бы костер и предлагал подержать руку в огне. Кто больше продержит - тот и победил. Хотя для полной уверенности стоило бы еще ввести испытание водой и медными трубами. Но тогда неинтересно станет.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру