19.10.2014 / 13:00

У Барысаве ў знак салідарнасці з Вінаградавым вывесілі нацыянальныя сцягі ФОТАФАКТ 4

18 кастрычніка актывісты мясцовай барысаўскай суполкі Zмены вывесілі ў Барысаве на мосце на праспекце Рэвалюцыі больш за дзесяць нацыянальных сцягоў. Акцыя была здзейсненая на знак салідарнасці з актывістам Zмены Паўлам Вінаградавым, які адбывае свае чарговыя суткі на Акрэсьціна. Акцыя прайшла паспяхова, ніхто з актывістаў не затрыманы, паведамілі арганізатары.

26-гадовы Актывіст моладзевага крыла «Zмена» кампаніі «Гавары праўду» Павел Вінаградаў — адзін з фігурантаў крымінальнай справы аб масавых беспарадках у Мінску 19 снежня 2010 года, быў асуджаны на чатыры гады калоніі ўзмоцненага рэжыму, вызвалены на падставе ўказа Аляксандра Лукашэнкі аб памілаванні.

9 кастрычніка ён быў асуджаны судом Маскоўскага раёна Менска на 15 сутак адміністрацыйнага арышту.

СМ

0
ЯНКА / Адказаць
19.10.2014 / 14:19
. З павагаю стаўлюся да землякоў. Але ж, хлопцы, вы выдатна ведаеце: лукашысты масава распаўсюджвалі інфармацыю, што БЧБ сьцяг ім нагадвае скварку, то бок салам з праслойкай мяса. А вы вывесілі столькі штандараў над расьцяжкай «Борисовский мясокомбинат». Няўжо ж мейсца іншага не знайшлося?! .
0
Туш / Адказаць
19.10.2014 / 16:15
мясакамбінат ) Капец, ну як так можна...
0
iva / Адказаць
20.10.2014 / 09:38
А я на лiтары не гляджу, на СЦЯГI глядзець прыемней! ЖЫВЕ БЕЛАРУСЬ!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру