20.10.2014 / 13:21

Верагоднасць трапляння віруса Эбола ў Беларусь «вельмі невысокая» 1

«Эбола сапраўды небяспечная. Але там, дзе яна цяпер распаўсюджваецца, — у Заходняй Афрыцы. Верагоднасць трапляння віруса Эбола ў Беларусь вельмі невысокая, і яна звязана менавіта з завозам гэтай праблемы».

Пра гэта заявіў у інтэрв'ю праграме «Галоўны эфір» тэлеканала «Беларусь 1» вечарам 19 кастрычніка галоўны санітарны ўрач Ігар Гаеўскі. 

«Людзі лятаюць, перамяшчаюцца, і ў гэтай сувязі завоз магчымы. Важна, наколькі яго можна прадухіліць на першай фазе, на мяжы і далей не пусціць, выключыць усякія кантакты з мясцовым насельніцтвам. У гэтым сэнсе, я лічу, наша краіна гатовая», — сказаў ён. 

Спецыяліст упэўнены, што Эбола — гэта не біялагічная зброя і не камерцыйны праект. 

«Разглядаць гэты вірус як біялагічную зброю нельга, — адзначыў Гаеўскі. — Гэта няправільна, і наконт гэтага ёсць вельмі сур'ёзныя аўтарытэтныя развагі і меркаванні, і доказы. Гэта не зброя. Стварыць яе досыць няпроста, вельмі складана. Самае галоўнае — зброя мае патрэбу ў сродках дастаўкі. Прабірка, у якую змешчаны ўзбуджальнік, — гэта яшчэ не зброя. Неабходна нешта больш магутнае, сур'ёзнае». 

Што да «камерцыйнага праекта», то, паводле слоў спецыяліста, «само захворванне развіваецца абсалютна ў рэальных умовах, мае свае прычыны, ачаг». «Гаварыць аб тым, што тут штосьці спецыяльна спланаванае, нельга», — упэўнены Гаеўскі.

0
Трепло очередное / Адказаць
20.10.2014 / 13:51
Что не может, всегда быть сможет. Главный санитар, ты бы похвалися бы, есть ли в БССР лаборатория для определения - эбола или лихорадка. И какие действия будут предприняты, в случае подтверждения болезни. Т.е. "...готова ...". А как готова?. Это не чума поросенкова. Оградили и сожгли.
Каб пакінуць каментар, калі ласка, актывуйце JavaScript у наладах свайго браўзеру