22.10.2014 / 16:20

Украіна будзе вырабляць крылатыя ракеты 9

Украіна будзе вырабляць свае крылатыя ракеты і высокадакладныя ўзбраенні, якія будуць замоўленыя для нацыянальных узброеных сіл, сказаў у аўторак прэзідэнт Украіны Пятро Парашэнка.

Гэтую заяву Парашэнка зрабіў падчас сустрэчы з працаўнікамі Днепрапятроўскага машынабудаўнічага заводу «Южмаш», паведаміла агенцтва УНІАН. З гэтай мэтай прэзідэнт унясе змены ў дзяржаўную абаронную замову.

У жніўні СМІ паведамілі пра распрацаваны на «Южмашы» праект украінскай крылатай ракеты «Коршун-2», якая будзе мець далёкасць да 280 км і масу баегалоўкі 480 кг. Па характарыстыках «Коршун-2» атрымліваецца вельмі падобным да расейскіх ударных комплексаў «Іскандэр», на немагчымасць атрымаць якія ад РФ скардзіўся Аляксандр Лукашэнка падчас сваёй апошняй прэс-канферэнцыі.

Такім чынам, украінскі комплекс можа быць варыянтам, які ў будучыні паменшыць вайскова-тэхнічную залежнасць Беларусі ад РФ. Раней Беларусь і Украіна разам стваралі іншыя баявыя ракетныя сістэмы — напрыклад, супрацьтанкавы комплекс «Шэршань», зенітны комплекс «Стылет».

У межах гэтых праектаў украінцы рабілі ракеты, а беларусы — сістэмы суправаджэння і навядзення.

«Ва Украіны ёсць даволі распрацаваны праект «Коршун-2». Але не хапіла у свой час грошай. Калі мы пачнем працу ў кааперацыі, то зможам атрымаць ракеты з далёкасцю 500 км, а не 300, як тое прадугледжана дамовамі па ракетных тэхналогіях», — адзначыў заснавальнік аналітычнага праэкту Belarus Security Blog Андрэй Паратнікаў.

Хочаш падзяліцца важнай інфармацыяй ананімна і канфідэнцыйна?

Аляксандр Гелагаеў

0
Visitor / Адказаць
22.10.2014 / 16:24
Ни чем не похож на Искандер. У искандера скорость полета 7М. А это ерунда.
0
нацыяналіст / Адказаць
22.10.2014 / 17:09
Хуткасць палёту - не галоўнае тут.
0
чэл / Адказаць
22.10.2014 / 17:11
ну как посмотреть искандер вопервы 2м во фторых как заявлено квазибалистическая траектория посути таже балистическая с минимальным маневрированием а крылатая может пролетев на 50 метровой высоте или ниже а на ней пво не работает спокойно накроет кунг рвсн или рэб по излучению а искандер барахло
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру